skol
startimes

Burundi: Abantu Batandatu Baguye mu Gitero mu Kayanza

Amakuru   Yanditswe na: Dusingizimana Remy 12 September 2020 Yasuwe: 1201

Abantu batandatu bishwe mu ijoro ryo kuwa Kane, babiri barakomereka mu gitero cyagabwe n’abantu bitwaje intwaro bataramenyekana ku mutumba Nyarumanaga mu ntara ya Kayanza. Muri abo bishwe harimwo abagabo bane n’abana babiri biga mu mashuli abanza.


Mu gusubira inyuma bagana mu ishyamba rya Kibira, abagabye igitero batwaye umuntu umwe bunyago bagenda banasahura za butike zo ku mutumba wa Nyarumanaga.

Buramatari w’intara ya Kayanza, Colonel Rémy Cishahayo, mu nama yagiranye n’abaturage bo ku mutumba Nyarumanga aho icyo gitero cyagabwe, yabasabye gufatanya no kwamagana umwanzi. Mu cyumweru gishize abitwaje intwaro bataramenyekana bishe abantu babiri aho i Nyarumanga.

Umutekano Muke no mu Majyepfo y’Uburundi

Mu Rumonge naho mu majyepfo y’Uburundi abasirikare barinda ikiyaga cya Tanganyika nko mu gihe cy’isaha icumi z’umugoroba batwitse ubwato bubiri bw’abarobyi nkuko ababibonye babyemeza.

Amakuru Ijwi ry’Amerika ryabonye avuga ko abantu umunani bari muri ubwo bwato batawe muri yombi bakajya gufungirwa muri komisariya ya Polisi mu Rumonge.

Babiri muri bo bajyanywe kubarizwa mu iperereza kuko byaketswe ko ari abarwanyi nk’uko ayo makuru abyemeza.

Abarobyi bavuganye n’Ijwi ry’Amerika ariko batashimye gutanga amajwi yabo bavuga ko batabona uko bagiye kubaho kuko bari bamaze ibyumweru bibiri bataroba kubera ibibazo by’umutekano mu kiyaga cya Tanganyika. Byari byasubukuwe ku wa mbere w’iki cyumweru.

Ijwi ry’Amerika ryagerageje guhamagara Floribert Biyereke avugira igisirikare cy’Uburundi kuri telefone ye igendanwa kugira ngo atange ibisobanuro kuri iki kibazo ariko ntiyitabye

Taliki 23 ukwezi kwa munani Komine Bugarama y’iyo ntara ya Rumonge yatewe n’abantu bitwaje intwaro bivugwa ko baje bava muri Repuburika ya Demokarasi ya Congo baciye mu kiyaga Tanganyika bica abantu batatu. Abarwanyi b’umutwe wa Red Tabara utavuga rumwe na Reta iriho mu Burundi, bigambye icyo gitero.

IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ethiopia: Abiy Ahmed yahaye ingabo za Tigray amasaha 72 ngo zibe zamanitse...

Minisitiri w’intebe wa Ethiopia yahaye amasaha 72 ingabo za leta ya Tigray...
23 November 2020 Yasuwe: 576 0

Ethiopia yashyizeho impapuro zo gufata abasirikare bakuru bacyekwaho...

Leta ya Ethiopia yashyizeho impapuro zo guta muri yombi abasirikare bakuru...
19 November 2020 Yasuwe: 1194 0

Umucuruzi wa serivisi zo guhererekanya amafaranga yafatanywe 100,000 FRW...

Mu gitondo cyo ku wa Kabiri tariki ya 17 Ugushyingo 2020, Polisi y’u Rwanda...
19 November 2020 Yasuwe: 991 0

Ingabo za Ethiopia ziri kujya mu murwa mukuru wa Tigray

Ethiopia ivuga ko ingabo zayo zigaruriye ahantu hanini mu leta ya Tigray...
18 November 2020 Yasuwe: 2927 0

Ethiopia: Abiy Ahmed yatangaje igitero simusiga ku murwa mukuru wa...

Minisitiri w’intebe wa Ethiopia Abiy Ahmed yavuze ko igihe ntarengwa cyari...
17 November 2020 Yasuwe: 2323 0

Ethiopia – Tigray: Ibisasu bya rokete byaguye mu nkengero z’umurwa mukuru wa...

Ibisasu bya rokete byarasiwe mu karere ka Tigray ko mu majyaruguru ya...
15 November 2020 Yasuwe: 1273 0