skol
fortebet

Burundi: Banciryanino utaravugaga rumwe n’ubutegetsi bwa Nkurunziza yatawe muri yombi

Yanditswe: Sunday 04, Oct 2020

featured-image

Sponsored Ad

Umurundi witwa Fabien Banciryanino wari umudepite muri manda irangiye mu nteko ishinga amategeko y’uBurundi,afungiwe muri kasho y’ibiro bya polisi bishinzwe iperereza (BSR),nyuma y’aho afatiwe mu gitondo cyo ku wa gatanu nk’uko byemezwa n’umuntu wa hafi cyane w’umuryango we.

Sponsored Ad

Uyu mugabo wari uzwi cyane kubera kutavuga rumwe n’ishyaka rya CNDD-FDD riri ku butegetsi,yafunzwe amaze kubuzwa gukoresha ikiganiro n’abanyamakuru ashaka kwamagana amakuru yamuvuzweho ku rubuga rwa YouTube y’uko yasuzuguye umukuru w’igihugu, ibyo yamaganira kure.

Fabien Banciryanino uzwi cyane kubera kutarya indimi mu kugaragaza ibitegerezo bye mu nteko ishinga amategeko yahozemo cyane ko yanengaga ubutegetsi bwa Perezida Pierre Nkurunziza.

Yarwanyije bikomeye integuza y’itegeko ryemereraga amashimwe Bwana Nkurunziza igihe azaba yavuye ku butegetsi, byageze n’aho uwahoze ayoboye inteko ishinga amategeko Pascal Nyabenda amwita "icyihebe".

Ku wa gatanu amaze kugezwa muri BSR, bimwe mu byo yashinjwe n’ugushaka guhirika ubutegetsi kandi ko yarwanyije leta ya Nkurunziza" nk’uko uwo mu muryango we wa hafi yabibwiye BBC.

Imvano y’ifatwa rya Bwana Banciryanino, ni ibaruwa yo ku wa 29 Nzeri uyu mwaka, yandikiye komiseri mukuru ushinzwe gukumira ibyaha i Bujumbura, amusaba kumushakira umunyamakuru avuga ko yamubeshyeye mu kinyamakuru gikorera ku rubuga rwa YouTube.

Muri iyo baruwa, Banciryanino avuga ko uwo munyamakuru yamwambitse ibara ko yatutse umukuru w’igihugu, ibyo avuga ko atakubahuka.

Uyu wo mu muryango we utifuje gutangazwa, yabwiye BBC ko Bwana Banciryanino yafashwe n’umukuru wa Zone Ngagara asanzwe abamo, Imelde Ndikuriyo, amusanze mu rugo, ari kumwe n’abapolisi.

Ati: "Yafashwe nyuma y’aho asabiye ikiganiro n’abanyamakuru, yari yanditse ibaruwa asaba uruhushya kugira ngo abinyomoze. Yamubujije icyo kiganiro ahita amufata".

Umuryango we ubona ko ibyo yagirizwa bidafashe, na rirya harimwo ivyo yavugiye mu nama nshingamateka.

Uyu wegereye umuryango we akomeza ati: "Ibintu umuntu avugiye mu nteko ishinaba ashyize ku mugaragaro".

Avuga kandi ko "yashinjwe ko ’ari umurwanyi’ kandi atari umurwanyi, kandi ko yavuze y’uko umukuru w’igihugu atazamuyobora, ko azamurwanya nk’uko yarwanyije n’undi".

Bwana Banciryanino, yasgejejwe kuri BSR saa tatu z’igitondo,aza kubazwa saa kumi n’imwe z’umugoroba,kubazwa birangiye ahita yinjizwa muri kasho nk’uko uyu wo mu muryango we abivuga.

Ntacyo polisi y’u Burundi iratangaza ku mugaragaro ku bivugwa n’uyu muntu wegereye umuryango wa Bwana Banciryanino.

BBC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa