skol
startimes

Cameroon: Kardinali Christian Tumi wari washimuswe yarekuwe

Amakuru   Yanditswe na: Dusingizimana Remy 7 November 2020 Yasuwe: 1041

Kardinali Christian Tumi w’imyaka 90 wari washimuswe mu karere kavuga Icyongereza muri Cameroun yarekuwe ndetse arimo gusuzumwa kwa muganga.


Ariko ntiharamenyekana ahari abandi bantu 10 bivugwa ko bari bashimuswe hamwe na we.

Christian Tumi uri mu kiruhuko cy’izabukuru, yari atwaye imodoka ava mu murwa mukuru Yaoundé ajya mu mujyi wa Kumbo mu majyaruguru ashyira uburengerazuba bw’igihugu ari kumwe n’abandi bantu, ubwo bashimutwaga.

Ntibizwi uburyo yarekuwemo.

Ariko Elie Smith, inshuti ya Christian Tumi, yabwiye BBC ko yavuganye n’abari bamushimuse bakamubwira ko bari bamushimuse kugira ngo gusa bahe ubutumwa leta, ariko ntiyasobanura ubwo butumwa ubwo ari bwo.

Abarwanyi baharanira ubwigenge bw’ako karere ka Cameroun kavuga Icyongereza ni bo bari inyuma y’iryo shimutwa, nkuko Musenyeri wa diyosezi ya Kumbo yabibwiye BBC.

Yanavuze ko bamwe mu baturage ba Kumbo bakoze urugendo berekeza ku kigo cya gisirikare cy’abo barwanyi bashakisha abandi bashimuswe ndetse basaba ko barekurwa.

Kuva mu mwaka wa 2016, ubwo amatsinda y’abavuga Icyongereza yongeraga ibikorwa byo kurwanira ubwigenge, ibice bimwe bya Cameroun byakomeje kurangwamo imidugararo.

Abo bavuga Icyongereza bavuga ko bakorerwa ihezwa n’abategetsi b’iki gihugu biganjemo abavuga Igifaransa.

Bibaye mu cyumweru kimwe abarimu 11 b’i Kumbo na bo bashimuswe n’abo barwanyi, nyuma bakaza kurekurwa.

Hari n’uburakari bwatewe n’ibitero byagabwe ku mashuri abiri mu mijyi ivuga Icyongereza ya Kumba na Limbe, byakozwe mu minsi micye ishize n’abagabo bitwaje intwaro batamenyekanye.

Abana barindwi baherutse kwicwa mu gitero ku ishuri Mother Francisca ry’i Kumba.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ethiopia: Abiy Ahmed yahaye ingabo za Tigray amasaha 72 ngo zibe zamanitse...

Minisitiri w’intebe wa Ethiopia yahaye amasaha 72 ingabo za leta ya Tigray...
23 November 2020 Yasuwe: 593 0

Ethiopia yashyizeho impapuro zo gufata abasirikare bakuru bacyekwaho...

Leta ya Ethiopia yashyizeho impapuro zo guta muri yombi abasirikare bakuru...
19 November 2020 Yasuwe: 1198 0

Umucuruzi wa serivisi zo guhererekanya amafaranga yafatanywe 100,000 FRW...

Mu gitondo cyo ku wa Kabiri tariki ya 17 Ugushyingo 2020, Polisi y’u Rwanda...
19 November 2020 Yasuwe: 994 0

Ingabo za Ethiopia ziri kujya mu murwa mukuru wa Tigray

Ethiopia ivuga ko ingabo zayo zigaruriye ahantu hanini mu leta ya Tigray...
18 November 2020 Yasuwe: 2931 0

Ethiopia: Abiy Ahmed yatangaje igitero simusiga ku murwa mukuru wa...

Minisitiri w’intebe wa Ethiopia Abiy Ahmed yavuze ko igihe ntarengwa cyari...
17 November 2020 Yasuwe: 2325 0

Ethiopia – Tigray: Ibisasu bya rokete byaguye mu nkengero z’umurwa mukuru wa...

Ibisasu bya rokete byarasiwe mu karere ka Tigray ko mu majyaruguru ya...
15 November 2020 Yasuwe: 1274 0