skol
startimes

Centrafique: Amatora yatangiye mu bwoba bwinshi ko hashobora kuba imyigaragambyo

Amakuru   Yanditswe na: Dusingizimana Remy 27 December 2020 Yasuwe: 3841

Amatora muri Centrafqiue yatangiye, nyuma yo kwiyamamaza kw’abakandida kwabayemo ubushyamirane hagati y’ingabo za leta n’imitwe y’inyeshyamba.


Ejo ku wa gatandatu, urukiko rushinzwe kubahiriza itegeko nshinga rwanze ubusabe bw’abatavuga rumwe n’ubutegetsi cy’uko amatora yasubikwa kubera umutekano muke.

Ubwo iki gihugu cyarimo gutegura aya matora, bamwe mu basirikare bari mu muryango w’abibumbye bagiye kugarura amahoro muri iki gihugu biciwe mu bitero bibiri bitandukanye byakozwe n’abitwaje intwaro batashoboye kumenyekana.

Aya niyo matora ya mbere agiye kuba muri Centrafrique kuva hasinywa amasezerano y’amahoro mu 2019.

Perezida Faustin-Archange Touadera wiyamamariza kuyobora manda ya kabiri akaba ashinja uwo yasimbuye, François Bozizé, ko arimo gutegura guhirika ubutegetsi ari kumwe n’inyeshyamba.

Bozize we yahakanye ibyo ashinjwa, ariko akaba ataremerewe kwiyamamaza kubera ari mu bihano yafatiwe n’ishyirahamwe ONU.

Ihuriro ry’imitwe y’inyeshamba Coalition des Patriotes pour le Changement (CPC) rishinja leta ko yateguye ubujura bw’amajwi, ibyo ubutegetsi bwa Centrafrique buhakana.

N’amatora y’umukuru w’igihugu n’ay’abadepite yabaye kuri iki cyumweru arko ingabo za ONU zuzuye mu mihanda y’umurwa mukuru Bangui,naho ku biro bimwe na bimwe by’amatora hari ibimodoka bya burende.

Ku wa gatanu w’iki cyumweru,iri huriro ry’imitwe y’inyeshyamba ryatangaje ko rihagaritse agahenge k’iminsi itatu kari kumvikanyweho kugira ngo amatora ashobore kuba, rikavuga ko ryafashe uyu mwanzuro kubera ibitero by’ingabo za leta.

Hagati aho, leta yo yari yamaganye iby’aka gahenge, ikavuga ko ntacyo kamaze kuko inyeshyamba zitigeze zikubahiriza.

Iyi mitwe y’inyeshyamba yigaruriye imijyi itari mike iri hafi y’umurwa mukuru Bangui, aho yarwanye n’ingabo za leta ndetse n’iza ONU.

Centrafrique ni kimwe mu bihugu bya Afrika bikenye cyane kandi byamunzwe n’intambara, n’ubwo ubutaka bwacyo bwuzuye umutungo kamere mwinshi, harimo uwa diamand na uranium.

ONU ivuga ko hafi ½ cy’abanya Centrafrique kibeshejweho n’imfashanyo y’abagiraneza kandi ko icya gatanu cyabo bataye izabo.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Koreya ya Ruguru yamuritse misile zidasanzwe zirasirwa hasi mu...

Koreya ya Ruguru yamuritse ubwoko bushya bwa misile ziraswa kure zivuye...
15 January 2021 Yasuwe: 4113 0

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 6025 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5927 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4453 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3549 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7546 0