skol
startimes

Centrafrique: Perezida Faustin-Archange Touadéra yagiye gutora arinzwe cyane n’ingabo za UN zirimo n’Abanyarwanda [AMAFOTO]

Amakuru   Yanditswe na: Dusingizimana Remy 27 December 2020 Yasuwe: 5845

Uyu munsi tariki ya 27 Ukuboza 2020,Abanya Centrafrique babyukiye mu matora y’umukuru w’igihugu aho Perezida Faustin-Archange Touadéra uri kwiyamamariza manda ya kabiri yagaragaye agiye gutora arinzwe cyane n’ingabo za MINUSCA zirimo n’Abanyarwanda

Aya niyo matora ya mbere agiye kuba muri Centrafrique kuva hasinywa amasezerano y’amahoro mu 2019

Aya matora y’Umukuru w’Igihugu n’Abadepite abaye mu gihe inyeshyamba zari zarwanyije ko aba. Ingabo z’u Rwanda zoherejwe kubungabunga amahoro muri iki gihugu ni zimwe mu zatumye akorwa mu mahoro.

Hashize iminsi Perezida Faustin Archange Touadéra w’imyaka 63 ashinja François Bozizé yasimbuye gushaka guhirika ubutegetsi. Bozizé yafatiwe ibihano na Loni, bituma atemererwa kuba mu bahatanira umwanya w’Umukuru w’Igihugu muri aya matora.

Ku wa Kabiri w’iki Cyumweru, imitwe yitwaje intwaro yari yafashe umujyi wa kane munini muri iki gihugu gusa ingabo za Loni ziza kuwukura mu maboko y’abo barwanyi.

Itangazo ryashyizwe ahagaragara na Loni rivuga ko “abasirikare batatu b’u Burundi bari mu bikorwa byo kubungabunga amahoro bishwe abandi barakomereka” mu gitero bagabweho ku wa Gatanu w’iki Cyumweru.

Iki gitero cyagabwe mu gace ka Dekoa muri Perefegitura ya Kemo na Bakouma mu Majyepfo ya Perefegitura ya Mbomou.

Umuvugizi w’Umunyamabanga Mukuru wa Loni, Stephane Dujarric, yamaganye iki gitero, asaba Centrafrique gukora iperereza ku mvano yacyo.

Yatanze umuburo avuga ko ibitero nk’ibi ku ngabo za Loni ziri mu butumwa bwo kubungabunga amahoro “bigize icyaha cy’intambara” ku muntu uwo ariwe wese ubigaragaramo.

Ku wa Kane, u Rwanda rwohereje muri iki gihugu izindi ngabo 300 zari mu butumwa bw’amahoro muri Sudani y’Epfo kugira ngo zijye gufasha izari zisanzweyo mu bikorwa byo kugarura amahoro.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 5975 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5848 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4422 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3549 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7532 0

RDC: Leta yigaruriye agace kari mu maboko y’inyeshyamba za ADF

Leta ya Repubulika ya Demokarasi ya Kongo iravuga ko abantu 14 bakekwaho...
2 January 2021 Yasuwe: 3593 0