Dogiteri w’ Umunya-Uganda yiyahuye asiga yanditse ikibyihishe inyuma

Amakuru   Yanditswe na: Nsanzimana Ernest 17 September 2018 Yasuwe: 1343

Umudogiteri w’ Umunya-Uganda wakoreraga muri Namibia, washinjaga abapolisi bakorana na Polisi Mpuzamahanga ya Uganda kumwiba miliyoni 300 z’amashilingi bitwaje ibirego bidahwitse, yiyahuye.

Dr Livingstone Mugimu w’imyaka 56 akekwaho kwiyahura mu rugo rwe rw’i Kikajjo muri Makindye Ssabagabo, mu karere ka Wakiso.

Yasize inyandiko ivuga ko yababazwaga n’uburyo abapolisi bamwibye imitungo ye n’amafaranga.

Umuvugizi wa polisi y’Umujyi wa Kampala, Luke Owoyesigyire, yatangaje ko nyakwigendera bikekwa yishwe n’ uburozinko yanyoye.

Ati “Twasanze agacupa kari karimo uburozi mu cyumba cye. Umurambo wajyanwe gukorerwa isuzuma ngo harebwe icyamwishe naho ako gacupa karajyanwa muri laboratwari ya Leta hakorwe isuzuma.”

Yongeyeho ati “Yataye umutwe nyuma y’uko imwe mu mitungo ye ifatiriwe na polisi mpuzamahanga. Mbere y’uko yiyahura yandikiye amabaruwa menshi umuvandimwe we, agabira bimwe mu byari bisigaye abo mu muryango we.”

Kuwa 6 Ukwakira 2017, imitungo ya Dr Mugimu yafatiriwe n’umukozi wo mu itsinda rirwanya iterabwoba ku mupaka wa Mutukula mu karere ka Rakai, ku bufatanye na polisi mpuzamahanga bavuga ko akorana na Dr Aggrey Kiyingi, umunya-Australia akaba n’Umugande ushakishwa na Leta imukekaho ubugambanyi n’iterabwoba.

Abapolisi babwiwe n’abo mu muryango wa nyakwigendera ko avuye muri Namibia kandi afite amafaranga.

Abapolisi bamusanze rwagati mu mupaka, bamwaka amafaranga mbere y’uko ayerekana ku babishinzwe nk’uko binateganywa n’amategeko ko uwinjije ibihumbi 10$ (Shs36m) agomba kuyerekana.

Bahise bamujyana ku butaka bwa Uganda, bamufunga ashinjwa kuzana amafaraga yo gufasha inyeshyamba, gusa biza kugaragara ko byari ibinyoma.

Undi mupolisi yagwatiriye imodoka eshatu yari yinjije; yaba amafaranga (miliyoni 300 Shs) n’izo modoka ntiyabisubizwa ubwo yarekurwaga ava ku biro bikuru bya Interpol i Kampala.

Dr Mugimu yaje kurega ndetse bapolisi batabwa muri yombi, uwari umuyobozi wungirije wa Interpol ahagarikwa mu kazi.

Abo bapolisi baracyahagaritswe mu kazi ariko uwari wungirije muri Interpol yaje kugirwa umuyobozi w’Ishami ryihariye rishinzwe iperereza.

Src: Dail monitor

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugabo yatashye yasinze umugore we amukubita isuka aramwica

Umugore w’ imyaka 35 yishe umugabo we w’ imyaka amukubise isuka mu mutwe ubwo...
18 October 2018 Yasuwe: 1160 0

Umwarimu wo muri kaminuza muri Uganda yaguye hasi mu nama arapfa

Umwarimu muri Kaminuza ya Soroti mu Burasirazuba bwa Uganda yitabye Imana...
17 October 2018 Yasuwe: 1319 0

Leta y’ u Burundi yashinje Ububiligi urupfu rw’ igikomangoma Louis...

Igihugu cy’ u Burundi cyatangaje ko igihugu cy’ Ububiligi aricyo cyatanze...
14 October 2018 Yasuwe: 663 0

Abantu 12 batawe muri yombi kubera umuherwe washimutiwe muri...

Imwe mu nkuru zirimo kuvugwa cyane mu binyamakuru ni inkuru y’ umuherwe...
11 October 2018 Yasuwe: 1353 0

Abantu 7 hari ubwoba ko bishwe n’ umusozi waridutse muri Uganda

Mu karere ka Bududa mu burasirazuba bwa Uganda umusozi waridutse utaba...
11 October 2018 Yasuwe: 853 0

Umunyamakuru wa Washington Post ’yiciwe’ muri ambasade ya Arabie...

Umunyamakuru Jamal Khashoggi wandikiraga ikinyamakuru The Washington Post...
8 October 2018 Yasuwe: 1351 0