Drone z’ ubutasi zoherejwe gufata amashusho y’ ubuzima bwa Museveni mu icumbi rye

Amakuru   Yanditswe na: Nsanzimana Ernest 22 June 2018 Yasuwe: 7980

Perezida Museveni wa Uganda yahagurukiye ikibazo cy’ utudege tudo tutagira abapilote nyuma yo gutahura ko tumufata amashusho y’ ubuzima bwe bwite mu icumbi rye riherereye Nakasero.

Iri cumbi riherereye ku mpinga y’ umusozi wa Nakasero ahirengeye umujyi wa Kampala. Iri cumbi rifite ubusitani buteye amabengeza burimo indabyo n’ ibiti by’ amoko anyuranye.

Mu myaka ibiri ishize n’ Abanya Uganda bakorera umuryango utari uwa Leta bohereje DJI drone kuri iyi nzu iri mu mujyi rwagati.

Umuntu utarifuje ko amazina ye atangazwa yabwiye Chimpreports ati “Iyi drone yafashwe n’ abasirikare wahawe imyitozo iri ku rwego rwo hejuru SFC mbere y’ uko igera mu giti kinini ngo itangire gufata amashusho y’ ubuzima bwa Museveni”

Abari bohereje iyo drone barafashwe bashyikirizwa inzego z’ ubutabera.

Iyi kampani DJI drone yigeze no gushinjwa kuneka guverinoma ya Leta zunze Ubumwe za Amerika ikohereza amakuru mu Bushinwa ariko yarabihakanye.

ChimpReports ntabwo yabashije kumenya niba abagerageje kuneka Museveni baragejejwe imbere y’ urukiko.

Kuva ubwo drone igizweho amakenga inzego z’ umutekano ziyikurikiranira hafi. Ibi nibyo byatumye Perezida Museveni ahita ashyiraho amabwiriza agenga ikoreshwa rya drone muri Uganda.

Perezida Museveni ku wa gatatu ubwo yari mu nteko ishinga amategeko yavuze ko inzego z’ umutekano zimaze gufata drone 500 zikora mu buryo butemewe.
Perezida Museveni yavuze ko Minisitiri bireba azashyira itegeko rigenga ikoreshwa rya drone.

Mu Rwanda drone zikoreshwa mu kugeza amaraso kwa muganga ariko hari ibihugu bizikoresha mu ntambara. Dorone zifite ubushobozi bwo gukoresha intwaro z’ ubumara(Chemical weapons), no gutera za bombe mu bikorwa by’ iterabwoba.

Drone kandi zikoreshwa mu gufata amafoto n’ amashusho. Drone kandi zikoreshejwe neza zateza imbere ubukerarugendo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyamakuru Jamal Khashoggi uherutse kwicwa, yashyizwe mu dashyikirwa...

Umunyamakuru Jamal Khashoggi wo muri Arabie Saoudite, uherutse kwicirwa...
12 December 2018 Yasuwe: 472 0

Aya niyo magambo ya nyuma umunyamakuru Khashoggi yavuze ataraca

Umunyamakuru Jamal Khashoggi uherutse kwicirwa muri ambasade ya Arabia...
10 December 2018 Yasuwe: 2602 0

Abantu 17 biciwe mu bitero bibiri mu Burasirazuba bwa Kongo

Ibiro Ntaramakuru by’ Abafaransa AFP byatangaje ko nibura abantu 17 biciwe...
8 December 2018 Yasuwe: 449 0

Umupolisi ukomeye mu Burundi yatawe muri yombi nyuma yo kurasa umugore...

Majoro Nduwimana Prime arashinjwa kwica umugore we amurashishije imbunda...
5 December 2018 Yasuwe: 2576 1

Umurundi w’ imyaka 22 yateze na bagenzi be amira ikwanga riramuhitana

Nduwayo Desire, Umurundi wo muri zone Matyazo, komine Mubimbi yapfuye azize...
4 December 2018 Yasuwe: 2301 1

Uganda: Umuhanzikazi warokotse impanuka y’ ubwato ati ‘Ndiho ariho...

Umuririmbyi Iryn Namubiru umwe muri 26 barokotse impanuka ikomeye y’ ubwato...
26 November 2018 Yasuwe: 1616 0