skol
startimes

Ethiopia yashyizeho impapuro zo gufata abasirikare bakuru bacyekwaho gukorana na Tigray

Amakuru   Yanditswe na: Dusingizimana Remy 19 November 2020 Yasuwe: 3747

Leta ya Ethiopia yashyizeho impapuro zo guta muri yombi abasirikare bakuru 76 ishinja gukorana n’umutwe w’ingabo zishamikiye ku ishyaka Tigray People’s Liberation Front (TPLF).


Ingabo z’iryo shyaka zirimo kurwana n’ingabo z’igihugu cya Ethiopia muri leta ya Tigray - imwe mu zigize iki gihugu.

Minisitiri w’intebe wa Ethiopia Abiy Ahmed yavuze ko ingabo ze zikataje zerekeza mu murwa mukuru Mekelle wa Tigray.

Amakuru avuga ko abantu babarirwa mu magana bamaze gupfira muri iyo mirwano, naho ababarirwa mu bihumbi za mirongo bo bamaze guhunga nyuma y’ibyumweru bigera kuri bibiri haba imirwano.

Kugenzura amakuru ava muri Tigray biragoye kuko bwinshi mu buryo bw’itumanaho butagikora.

Iyi mirwano ifite imizi mu bushyamirane bumaze igihe hagati y’ishyaka rikomeye rya TPLF riri ku butegetsi muri ako karere ndetse na leta ya Ethiopia ifite icyicaro mu murwa mukuru Addis Abeba.

Ubwo mu kwezi kwa gatandatu Bwana Abiy yasubikaga amatora yo ku rwego rw’igihugu kubera coronavirus, ubushyamirane bwafashe indi ntera hagati y’impande zombi.

TPLF ibona leta ya Ethiopia nk’itemewe n’amategeko, ivuga ko Bwana Abiy igihe cye cyo kuba ku butegetsi cyarangiye.

Leta ya Ethiopia ishinja TPLF kugaba igitero ku kigo cy’ingabo zayo igiye kwiba intwaro, ibyo TPLF yahakanye. Ku bw’ibyo, Bwana Abiy yategetse igitero cya gisirikare kuri TPLF, ayishinja ubugambanyi.

Amakuru mashya ni ayahe?

Ejo ku wa gatatu, polisi ya Ethiopia yatangaje ko yashyizeho impapuro zo guta muri yombi abasirikare bakuru 76, amakuru avuga ko bamwe muri bo bari mu kiruhuko cy’izabukuru.

Bashinjwa ubufatanyacyaha na TPLF mu "gukora ubugambanyi", nkuko bitangazwa n’ibiro ntaramakuru AFP.

Aganira na BBC, Billene Seyoum - umuvugizi wa Minisitiri w’intebe Abiy Ahmed - yahakanye amakuru yuko abo mu bwoko bwa Tigray aho bari hose mu gihugu barimo gutabwa muri yombi kubera ubwoko bwabo.

Ariko yemeye ko benshi bafunzwe kubera kuba abanyamuryango b’ibyo yise ibico by’abagizi ba nabi.

ibi bibaye nyuma yuko ingabo za leta zifashe imijyi ya Shire na Axum. Ku wa kabiri, igihe ntarengwa cy’iminsi itatu cyari cyatanzwe na Bwana Abiy cyarenze zitamanitse amaboko.

Debretsion Gebremichael, ukuriye TPLF, wavukiye mu mujyi wa Shire, yemeje kuri televiziyo yo muri Tigray ko abasirikare be batakaje imijyi ibiri mu majyepfo no mu burengerazuba bwa Tigray.

Ariko, yavuze ko intsinzi y’ingabo za Ethiopia ari iy’akanya gato, asezeranya gutsinda ingabo za Bwana Abiy.

Sudan ivuga ko abantu bagera ku 36,000 ari bo kugeza ubu bahunze imirwano berekeza muri icyo gihugu bambutse umupaka ihana na Tigray.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ingabo ziri kurwanira mu ishyamba rya Kibira mu Burundi zategetswe kumaramo...

Imirwano ikomeje kuvugwa hagati y’ingabo z’u Burundi n’abavuga ururimi...
4 March 2021 Yasuwe: 5223 0

Myanmar:Abasirikare barashe urufaya rw’amasasu mu bigaragambya bica abasaga...

Abantu batari munsi ya 38 biciwe muri Myanmar ku wa gatatu, mu cyo...
4 March 2021 Yasuwe: 3150 0

US:Hakajijwe umutekano wo kuburizamo intagondwa zishobora kuvogera inyubako...

Umutekano wakajijwe ku nyubako izwi nka Capitol ikoreramo inteko ishinga...
4 March 2021 Yasuwe: 3338 0

Umuyobozi w’urukiko rw’Ingabo muri RDC yiciwe mu gace karasiwemo ambasaderi...

Umuyobozi wa parike [parquet] y’Ingabo za FARDC I Rutshuru,witwa Major...
3 March 2021 Yasuwe: 4474 0

Bobi Wine ari mu mazi abira kubera imodoka ye idatoborwa n’amasasu

Bobi Wine ukuriye ishyaka ritavugarumwe n’ubutegetsi muri Uganda ari mu...
1 March 2021 Yasuwe: 5011 0

Burundi: Abarwanyi 2 ba FLN bitwaje intwaro biciwe i Mabayi

Abishwe bari mu mutwe w’inyeshyamba za CNRD/FLN zivuga ururimi...
28 February 2021 Yasuwe: 5293 0