skol
startimes

FARDC yigambye guha isomo inyeshyamba zo mu Burundi izigera kuri 30 zihasiga ubuzima

Amakuru   Yanditswe na: Dusingizimana Remy 26 October 2020 Yasuwe: 2183

Ingabo za Repubulika iharanira Demokarasi ya Kongo zatangaje ko zafashe ibirindiro by’inyeshyamba zo mu gihugu cy’u Burundi ziri ku butaka bwabo ahitwa Naombe muri Kivu y’Amajyepfo zihitana abakabakaba 30.


Izi ngabo za FARDC zarashe ku birindiro by’izi nyeshyamba muri aka gace ko muri Teritwari ya Mwenga mu rukerero rwo ku munsi w’ejo zihita zibifata ndetse zihitana abasirikare 27.

Umuvugizi wa FARDC muri Kivu y’Amajyepfo,Capt. Dieudone Kaseleka yagize ati “Byari saa cyenda n’igice zo mu rukerera ubwo ingabo za FARDC zigaruriraga ibirindiro by’inyeshyamba za FNL ziyobowe na Aloys Nzabampema.”

Mu mwaka ushize nibwo ingabo za Repubulika Iharanira Demokarasi ya Congo,FARDC, zatangaje ko zatangije "ibitero bikomeye" ku mitwe y’inyeshyamba ziri ku butaka bwayo zirimo za ADF mu gace ka Beni,FARDC,RUD URUNANA,Red Tabara n’izindi.

Inama yahuje abahagarariye ingabo z’ibihugu bya DR Congo, Burundi, Rwanda, Uganda na Tanzania mu Ukwakira 2019 yemeje ubufatanye mu kurwanya inyeshyamba muri DR Congo.

Nyuma y’iyo nama, umuvugizi wa FARDC General Léon Kasonga yabwiye abanyamakuru ko ubwo bufatanye bwagombaga gukorwa ariko "nta ngabo z’ibi bihugu zije kurwanira ku butaka bwa DR Congo".

Muri iki gitero cyagabwe ku munsi w’ejo,FARDC yavuze ko yatakaje abasirikare 3 mu gihe abandi 4 bakomeretse.

Muri Mata 2019, Igisirikare cya Repubulika iharanira demokarasi ya Congo gikorera muri batayo ya 3304 iri mu misozi miremire ya Uvira cyemeje ko cyirukanye inyeshyamba za FNL mu birindiro biri mu Magunda, Ruminuko, Kakuku ndetse na Maheto aho FARDC yari imaze icyumweru cyose mu ntambara n’aba barwanyi b’Abarundi.

Icyo gihe, Kapiteni Dieudonne Kaseleka yatangarije Ijwi ry’Amerika ko bishe inyeshyamba z’Abarundi 35 zirimo n’abayobozi babiri bakuru b’uyu mutwe w’inyeshyamba za FNL, bafata n’imbunda zikomeye nyinshi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble kamana

    Umunyamakuru nadukure murujijo ni FLN cgwa ni FNL?

    4 weeks ago
  • chat_bubble kamana

    Umunyamakuru nadukure murujijo ni FLN cgwa ni FNL?

    4 weeks ago

Inzindi nkuru

Ethiopia: Abiy Ahmed yahaye ingabo za Tigray amasaha 72 ngo zibe zamanitse...

Minisitiri w’intebe wa Ethiopia yahaye amasaha 72 ingabo za leta ya Tigray...
23 November 2020 Yasuwe: 415 0

Ethiopia yashyizeho impapuro zo gufata abasirikare bakuru bacyekwaho...

Leta ya Ethiopia yashyizeho impapuro zo guta muri yombi abasirikare bakuru...
19 November 2020 Yasuwe: 1190 0

Umucuruzi wa serivisi zo guhererekanya amafaranga yafatanywe 100,000 FRW...

Mu gitondo cyo ku wa Kabiri tariki ya 17 Ugushyingo 2020, Polisi y’u Rwanda...
19 November 2020 Yasuwe: 986 0

Ingabo za Ethiopia ziri kujya mu murwa mukuru wa Tigray

Ethiopia ivuga ko ingabo zayo zigaruriye ahantu hanini mu leta ya Tigray...
18 November 2020 Yasuwe: 2919 0

Ethiopia: Abiy Ahmed yatangaje igitero simusiga ku murwa mukuru wa...

Minisitiri w’intebe wa Ethiopia Abiy Ahmed yavuze ko igihe ntarengwa cyari...
17 November 2020 Yasuwe: 2323 0

Ethiopia – Tigray: Ibisasu bya rokete byaguye mu nkengero z’umurwa mukuru wa...

Ibisasu bya rokete byarasiwe mu karere ka Tigray ko mu majyaruguru ya...
15 November 2020 Yasuwe: 1273 0