startimes

FARDC yigarurirye ibirindiro by’umuyobozi wa FDLR inica abasirikare bayo 32

Amakuru   Yanditswe na: Dusingizimana Remy 24 April 2020 Yasuwe: 5318

Kuri uyu wa Kane tariki ya 23 Mata 20202,Ingabo za Repubulika iharanira demokarasi ya Congo FARDC zibifashijwemo na wa mutwe udasanzwe HIBOU SPECIAL FORCE,zabashije kwigarurira ibirindiro bya Gen.Ntawunguka Pacifique Omega,Umugaba mukuru w’inyeshyamba za FDLR zizwi ku mazina ya FOCA ABACUNGUZI, mu rugamba rutoroshye.


Sponsored Ad


Ibirindiro bya Gen.Omega bita Parisi byigaruriwe na FARDC, abarwanyi 24 batabwa muri yombi naho 32 baguye mu mirwano mu gihe FARDC yigaruriraga ibi birindiro bya Gen.Omega mu rugamba rutoroshye.

Iyi mirwano yahereye kuwa Gatatu saa sayine irangira kuwa 23 Mata 2020 mu masaha ya Saa tatu FARDC imaze kwinjira mu birindiro bya Gen.Omega irabyigarurira.

Umwe mu bayobozi ba Gurupoma ya Bukombo wavuganye n’umunyamakuru wa Rwandatribune.com dukesha iyi nkuru uri Tongo yamuhamirije ko yiboneye abarwanyi ba FDLR, basohoka muri Pariki ya Nyamuragira birukankanwa na FARDC, bakaba berekezaga mu nzira zijya IKirama, ndetse ngo ama bombe menshi yakomeje kuvuga muri ako gace ka Tongo.

Ikimaze kumenyekana n’uko abarwanyi ba FDLR bamaze kugwa muri iyi mirwano ari abarwanyi 32 naho abarwanyi 24 bakaba batawe muri yombi, hakaba harimo aba ofisiye 8, amakuru aravuga kandi ko Komanda mukuru wa Operasiyo Sokola 1 Gen.Bgd EHONZA ANDRÉ yahaye amabwiriza ingabo ze ko zimuzanira Gen.Omega ari muzima cyangwa yapfuye.

Gen.Major Ntawunguka Pacifique uzwi nka Gen.Omega Nzeri niwe mugaba mukuru w’ingabo za FDLR FOCA ndetse niwe wasimbuye Gen.Mudacumura Sylvestre wishwe mu mwaka ushize na FARDC.

Ibirindiro bya Gen.Omega bihereye mu ishyamba rya Parisi, ni muri Gurupoma ya Tongo, Lokarite ya Nyamuragira Teritwari ya Rutshuru.

Kuwa mbere w’iki icyumweru, umwe mu batuye I Goma yavuze ko yiboneye amakamyo 22 yuzuye abasilikare yerekeza mu gace ka Tongo, bakaba bagiye kongerera ubushobozi abari basanzwe bari kurwanira iParisi muri Nyamuragira.

Abaturage batuye ahitwa Kawunga ngo biboneye imirongo y’abandi basirikare bagera mu bihumbi bibiri bari baturutse ahitwa Bunagana baje gufunga amayira yose aturuka mu ishyamba rya Nyamuragira.

Intego ya FARDC ngo ni uguta muri yombi Gen.Omega n’abasirikare ba FDLR ayoboye bose cyangwa bakicwa.

Source:Rwanda Tribune

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Nibamufate rwose kariya gace kagire amahoro

    3 months ago

Inzindi nkuru

Umusirikare yishe umuyobozi we amuziza ko yamwimye uruhushya rwo gusura...

Umusirikare wo muri Nigeria mu gace kitwa Borno w’ipeti ryo hasi yarashe...
30 July 2020 Yasuwe: 8396 0

Iran yarashe za misiles ku cyiganano cy’ubwato bw’intambara bw’Amerika

Iran yarashe ibisasu bya misile ku cyiganano cy’ubwato bw’Amerika...
29 July 2020 Yasuwe: 2044 2

Kim Jong-un yemeje ko nta yindi ntambara izongera kuba ku butaka bwa Koreya...

Perezida Kim Jong-un wa Korea ya ruguru yatangaje ko intwaro za kirimbuzi...
28 July 2020 Yasuwe: 1627 1

Umugabo yaciye ikiganza umukobwa amuziza ko yanze kumubera umugore

Umugabo ukomoka mu gace kitwa Bududa mu gihugu cya Uganda arashinjwa gutema...
27 July 2020 Yasuwe: 2787 0

Umunyarwanda yemeye ko yagize uruhare mu gutwika katederali ya...

Umunyarwanda witwa Emmanuel yemeye ko yagize uruhare mu gukongeza umuriro...
26 July 2020 Yasuwe: 3274 0

Centrafrique: Ingabo z’u Rwanda zafashe ibirindiro 3 by’inyeshyamba za 3R/R3...

Batayo y’Ingabo z’u Rwanda iri mu butumwa bwo kubungabunga amahoro yagabye...
22 July 2020 Yasuwe: 12735 0