skol
fortebet

FDLR yahakanye ibyo kwica Ambasaderi w’Ubutaliyani yashinjwe na Leta ya RDC

Yanditswe: Tuesday 23, Feb 2021

Sponsored Ad

Umuvugizi w’umutwe wa FDLR ahakana avuga ko uyu mutwe utagize uruhare mu iyicwa rya ambasaderi w’Ubutaliyani mu burasirazuba bwa DR Congo.

Sponsored Ad

Abategetsi muri DR Congo kuri uyu wa mbere bavuze ko FDLR ari yo yagize uruhare mu iyicwa rya ambasaderi Luca Attanasio w’imyaka 43.

Umupolisi w’Umutaliyani urinda ambasaderi n’umushoferi w’Umunyecongo na bo barishwe muri iki gitero.

Uvuga ko yitwa Cure Ngoma, umuvugizi wa FDLR, yabwiye BBC ko "FDLR atari yo yakoze icyo gikorwa kigayitse".

Ambasaderi Attanasio yapfiriye mu bitaro i Goma nyuma yo kuraswa mu gitero cy’abitwaje intwaro ku wa mbere, ku modoka za UN ku muhanda wa Goma - Rutshuru hafi y’ahitwa Kibumba, nk’uko abategetsi baho babitangaje.

Itangazo ryasohowe n’umutwe wa FDLR rivuga ko icyo gitero cyakorewe "muri zone yitwa trois antennes hafi ya Goma, hafi kandi y’umupaka w’u Rwanda".

Ngoma, avuga ko muri ako gace hakorera imitwe irenga 100 yitwaje intwaro, ati: "Ntabwo dusobanukiwe impamvu bavuze ko ari twebwe."

Mu itangazo ryasohowe na Visi minisitiri w’umutekano mu gihugu Bwana Arustude Bulakali MULULUNGANYA yavuze ko ku munsi w’ejo saa tatu za mu gitondo imodoka ya PAM yarimo uyu muminisitiri yarashweho na FDLR mu muhanda wa Rutshuru,Gurupoma ya Kibumba muri Teritwari ya Nyiragongo.

Iki gitero cyaguyemo abantu 3 barimo umushoferi w’iyi modoka n’Abataliyani 2 barimo uyu Ambasaderi w’Ubutaliyani muri Repubulika ya Demokarasi ya Congo,Luca Attanasio,n’umurinzi we,Vittorio Lacovacci.

Luca Attanasio yarashwe mu nda n’izi nyeshyamba nkuko iri tangazo ribivuga atabarwa n’abarinzi b’ikigo cya ICCN gishinzwe kurinda ibidukikije gusa yagejejwe ku bitaro bya UN i Goma aza gupfa.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa