Polisi ya Uganda yatangaje ko umuntu mu bari mu modoka yaguye mu ruzi rwa Nili yapfuye abandi bakaba bakomeje kuburirwa irengero.

Sponsored Ad

Iyi mpanuka yabaye saa kumi n’ imwe za mu gitondo ku masaha yo muri Uganda kuri iki Cyumweru tariki 16 Nzeli 2018.

Umuvugizi wa Polisi wo muri Uganda Jimmy Patrick Okema niwe wemeje aya makuru mu itangazo rigenewe abanyamakuru polisi yashyize ahagaragara.

Iyi modoka yerekezaga ku isoko rinini ry’ amafi ry’ ahitwa Panyimur. Polisi ivuga ko umushoferi yananiwe kuyobora imodoka yari imaze kugoga icyuma. Umurambo w’ umuntu utaramenyekana niwo polisi ya Uganda yabashije kubona.
Yagize ati “Feri zanze gufata imodoka irakomeza igwa mu mazi. Polisi yafatanyije n’ abaturage barokora abantu 12 bajyanwa ku bitaro ya Pakwach ngo bitabweho n’ abaganga.”