Islamic state mugomba guhitamo kumanika amaboko cyangwa mukicwa

Amakuru   Yanditswe na: Renzaho Ferdinand 21 August 2017 Yasuwe: 1262

Kuri iki Cyumweru Minisitiri w’intebe wa Iraq Haider al-Abadi, yatangaje ko Ingabo za Iraq zagabye igitero gikaze mu mugi wa Tal Afar bagamije gukura uyu mugi mu maboko y’ingabo z’umutwe w’iterabwoba ugendera ku mahame ya Kisilamu Islamic State.

Inkuru dukesha Aljazeera ivuga ko Ministiri w’intebe wa Iraq yasabye uyu mutwe w’ iterabwoba kumanika amaboko Ati “Mugomba kumanika amaboko cyangwa mukicwa”.

Umutwe wa Islamic State (ISIS) wafashe umugi wa Tal Afar kuva muri 2014. Uyu mugi n’uduce turi mu nkengero zawo nibyo byonyine bisigaye mu maboko y’abarwanyi ba Islamic state muri Iraq nyuma y’uko Ingabo z’igihugu zigaruriye umugi wa Mosul, wa kabiri mu bunini muri iki gihugu.

Umutwe w’iterabwoba wa Islamic State kuva wahagurukirwa n’ingabo za Iraq ndetse n’abandi bayishyigikiye mu kurwanya iterabwoba, ugenda utakaza uduce tumwe na tumwe wari warigaruriye.

Umunyamakuru wa Aljazeera muri Iraq, Bin Javaid, yatangaje ko mu ibirindiro bimwe na bimwe by’uyu mutwe muri Tal Afar Byamaze kujya mu maboko y’ingabo za Leta. Tal Afar ni umugi uri mu burengerazuba bwa Mosul, mu birometero 150 mu burasirazuba bwa Syria ukaba hafi y’umuhanda unyuzwamo ibikoresho bya gisirikare bigemurirwa umutwe wa Islamic state.

Mbere y’uko ibikorwa byo kwigarurira uyu mugi bitangira habaje kuvuzwa impuruza, abaturage bumvako hagiye kuba urugamba, iyi mpuruza yumvikanagamo amagombo agira ati:"Nimwitegure, urugamba rurakomeye kandi turasatira intsinzi."

Ubuyobozi bwa Iraq buvuga ko mu gace ka Tal Afar, hari abarwanyi ba Islamic state babarirwa hagati ya 1,400 na 1,600 harimo n’abanyamahanga nkuko bitangazwa na Brigadier General Yahia Rasool.

Author : Renzaho Ferdinand

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kenya: Al Shabab yahitanye abarimu batatu undi arakomereka

Abarimu batatu bishwe, uwa kane arakomereka mu majyaruguru ashyira...
16 February 2018 Yasuwe: 437 0

Umusore wishe abanyeshuri 17 yigeze kurwanira n’ umukunzi we ku...

None tariki 15 Gashyantare 2018, nibwo hamenyekanye ko umusore witwa...
15 February 2018 Yasuwe: 3056 1

Abanyekongo 200 000 bahungiye muri Uganda

Umuryango Mpuzamahanga uharanira uburenganzira bwa muntu HRW watangaje ko...
14 February 2018 Yasuwe: 683 0

Iperereza ryatangiye ku Banyaburayi babiri bapfiriye muri Hotel

Polisi ya Uganda yatangiye iperereza ku rupfu rw’abagabo babiri...
11 February 2018 Yasuwe: 1982 0

Kim Jon Un yatumiye Perezida wa Koreya y’ Epfo mu biganiro

Perezida wa Koreya ya Ruguru Kim Jong Un yatumiye mugenzi we wa Koreya y’...
10 February 2018 Yasuwe: 1425 0

Amerika: Hafatiwe ikamyo yari ipakiyemo abimukira barenga 200

Mu gihugu cya Mexique muri Amerika ubuyobozi bwafashe ikamyo yari ipakiyemo...
4 February 2018 Yasuwe: 1698 0