Ibitero bibiri byagabwe n’intagondwa zo mu mutwe wa Kisilamu Al Shabab byahitanye abapolisi icyenda. Ibi bitero byagabwe muri Kenya, mu duce twa Mandera na Daadab ahegereye umupaka wa Somalia.
BBC ivuga ko igitero cya mbere cyagabwe mu ntara ya Mandera cyaje guhitana bapolisi batanu hanyuma igitero cya kabiri cyagabwe mu ntara ya Daadab iri hafi y’umupaka wa Somaliya. Muri iki gitero haguyemo abapolisi bane ndetse hanakomereka abandi bagera kuri bane.
Amakuru avuga ko ubwo abapolisi ba (...)

Sponsored Ad

Ibitero bibiri byagabwe n’intagondwa zo mu mutwe wa Kisilamu Al Shabab byahitanye abapolisi icyenda. Ibi bitero byagabwe muri Kenya, mu duce twa Mandera na Daadab ahegereye umupaka wa Somalia.

BBC ivuga ko igitero cya mbere cyagabwe mu ntara ya Mandera cyaje guhitana bapolisi batanu hanyuma igitero cya kabiri cyagabwe mu ntara ya Daadab iri hafi y’umupaka wa Somaliya. Muri iki gitero haguyemo abapolisi bane ndetse hanakomereka abandi bagera kuri bane.

Amakuru avuga ko ubwo abapolisi ba Kenya bari bahugiye mu gucunga umutekana w’agace ka Kulan, nibwo imodoka barimo yaciye hejuru y’igisasu cyari cyatezwe n’intagondwa za Al Shabab bituma kibaturikna.

Kuri twitter ye, William Ruto, umwungiriza w’umukuru w’igihugu, yatangaje ko atewe akababaro kenshi n’abapolisi bitabye Imana gusa yanagarutse ku cyemezo cyafashwe na leta ya Kenya cyo kubaka urukuta rutandukanya ibihugu bya Kenya na Somaliya dore ko ariho Al Shabab ikunda kwinjirira.

Icyemezo cyo kubaka urukuta rutandukanya ibihugu byombi cyafashwe nyuma y’igitero cyagabwe kuri Kaminuza ya Garissa maze abagera ku 147 bakahasiga ubuzima.