skol
startimes

Kenya: Polisi yarashe abantu 3 barapfa ubwo bari mu myigaragambyo

Amakuru   Yanditswe na: Dusingizimana Remy 26 June 2020 Yasuwe: 701

Ejo kuwa kane Polisi ya Kenya yishe abantu batatu irashe mu kivunge cy’abantu bariho bigaragambya bamagana ifatwa ry’umumotari warenze ku mabwiriza yo kwirinda coronavirus.


Itangazo rya polisi rivuga ko umuntu wa mbere wapfuye ari umugabo w’imyaka 40 warashwe ubwo abandi batwara taxi moto barwanyaga umupolisi wari ujyanye mugenzi wabo kuri ’station’ ya polisi mu mujyi wa Lessos uri mu burengerazuba.

Polisi ivuga ko abigaragambya bahise buzura kuri iyo ’station’ ya polisi batwika inzu y’uyikuriye. Barashwemo amasasu menshi hapfa abandi babiri.

Itangazo rya polisi rivuga ko "umukuru w’igipolisi cya Kenya yategetse ko umupolisi uvugwa mu kurasa abantu kwabaye afatwa agafungwa".

Abantu benshi bagaragaje akababaro batewe no gukoresha imbaraga z’umurengera kwa polisi mu kurwanya abigaragambya bikavamo gupfa kw’abantu batatu.

Kuwa kabiri, umupolisi wundi wa Kenya yarezwe mu rukiko kwica umwana w’imyaka 13 witwa Yasin Moyo, warashwe ari ku ibaraza ry’iwabo polisi iri kubahiriza amategeko y’umukwabu i Nairobi.

Duncan Ndiema uyu mupolisi uregwa yahakanye ibyaha ashinjwa.

Muri Mata uyu mwaka,Polisi ya Kenya yemeje ko muri weekend ya pasika yafashe igafunga abantu hafi 100 barimo banywa inzoga mu tubari bishe amabwiriza yo kurwanya ikwirakwira rya coronavirus.

Aba bafashwe bose bashyizwe mu kato bamaramo iminsi 14 nyuma bagezwa mu nkiko baregwa kurenga ku mabwiriza abuza abantu kwegerana no guteranira hamwe.

Muri abo bafashwe harimo umudepite wa Nairobi, umucamanza ndetse n’abapolisi benshi, bashinjwa ko bariho banywera mu tubari ahantu hatandukanye muri uwo mujyi.

Polisi ya Kenya ikora umukwabu mu tubari mu mujyi wa Nairobi dufunguye,abafatiwemo bagatabwa muri yombi.

Mu ngamba zafashwe mu mezi yashize mu kwirinda Coronavirus muri icyo gihugu, harimo umukwabu utegeka abantu bose kuba bari mu ngo zabo saa moya z’ijoro kugeza saa kumi n’imwe za mugitondo.

Harimo kandi ko abantu bose basohotse mu ngo zabo bambara udupfukamunwa.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

London: Umupolisi yishwe arashwe n’umuntu wari wafashwe ari gusakwa

Umupolisi yishwe arashwe ku kigo gifungirwamo abantu cyo mu gace ka Croydon...
25 September 2020 Yasuwe: 1052 0

Perezida Evariste Ndayishimiye yavuze ko u Burundi nta bitero bugabwaho...

Perezida Evariste Ndayishimiye w’u Burundi yatangaje ko nta mitwe yitwaje...
25 September 2020 Yasuwe: 1381 0

Koreya ya ruguru yishe inatwika umutegetsi wo muri Koreya y’epfo

Umutegetsi wo muri Koreya y’epfo yishwe arashwe anatwikwa n’ingabo za Koreya...
24 September 2020 Yasuwe: 1658 0

Abapolisi babiri barasiwe mu myigaragambyo yamagana ubucamanza ku rupfu rwa...

Abapolisi babiri barashwe mu gihe abantu ibihumbi bari kwigaragambya mu...
24 September 2020 Yasuwe: 893 0

Burundi: Ishyaka rya CNL riratabariza abanyamuryango baryo rivuga ko bari...

Ishyaka rya CNL ritavuga rumwe n’ubutegetsi bw’u Burundi riravuga ko...
22 September 2020 Yasuwe: 653 0

Cameroon: Abasirikare bafunzwe kubera kwica abagore n’abana bigafatwa kuri...

Abasirikare bane bo muri Cameroun bakatiwe gufungwa imyaka 10 kubera...
22 September 2020 Yasuwe: 704 1