Kigali: Umusore wasanzwe yapfuye yimanitse mu giti biravugwa ko nyirabuja yari yaramwanduje SIDA

Amakuru   Yanditswe na: Nsanzimana Ernest 6 July 2017 Yasuwe: 5294

Umusore witwa Nsengiyumva Dieu Donne w’ imyaka 23 y’ amavuko bamusanze yapfiriye mu giti anagana mu mugozi, ngo yasize avuze ko nyirabuja yari yaramwanduje SIDA.

Mu gitondo cyo kuri uyu Kane tariki 6 Nyakanga nibwo umurambo wa Nsengiyumva wabonywe unagana ku mugozi mu giti giherereye mu mudugudu wa Nyarutovu mu kagari ka Karama Umurenge wa Kanombe mu karere ka Kicukiro.

Nk’ uko Umuseke dukesha iyi nkuru wabitangaje ngo uyu musore yiyahuye yimanitse mu giti nyuma y’ aho ku wa kabiri w’ iki cyumweru yari yagerageje kwiyambura ubuzima akoresheje umuti wica imbega, agatabarwa atabigeraho akajyanwa kwa mugana agakira.

Uyu musore yakorega nyirabuja mu kabari kari gaherereye mu gasanteri ka Coko. Bombi baje gukorera ubu bushabitsi I Kigali baturutse mu ntara y’ amajyepfo mu karere ka Nyanza.

Umunyamabanga nshingwabikorwa w’ akagari ka Karama yatangaje ko mu minsi ishize nyir’ ako kabari yahamaje ubuyobozi n’abakozi bose yakoresha akabahemba ariko Nsengiyumva akanga gufata amafaranga. Ngo ubuyobozi bwarabaretse ngo baze kwiyumvikanira.

Umuturage witwa Gaspard yatangaje ko Nyakwigendera yamutekerereje ibyamubayeho.

Gaspard avuga ko Nsengiyumva yamubwiye ko yavanye i Save na Nyirabuja aho bari basanzwe bakorana ariko ngo uyu Nyirabuja akaba yarapfushije umugabo, maze nyuma atangira kujya asambana n’uyu musore muto.

Nyirabuja yimuriye ibikorwa bye i Kigali hano Coko i Kanombe, akomeza kujya asambana n’uyu musore, uyu musore ariko aza kwipimisha asanga yanduye SIDA nk’uko yabikekaga kuko ngo Nyirabuja yari ayifite.

Gaspard ati “Yakomeje kumbwira ibye byose…ambwira ko Nyirabuja yamwijeje ko nubwo yamwanduje nta kibazo bazakomeza kwibanira kuko SIDA ntawe ikica. Kandi azamufasha akamugurira moto, akamugira chef w’aka kabari.

Uyu mugore rero yaje gupanga kumucika, maze azana musaza we amuha akabari, n’abandi bakozi bose yazanye arabahemba arabirukana ariko Nsengiyumva we yanga gufata ibyo bihumbi mirongo itanu.

Kuwa kabiri rero nibwo nyirabuja yamushutse bafata moto ebyiri bagenda nk’abagiye ahantu hamwe Nsengiyumva ahageze aramubura amuhamagaye aramubura…kuburyo yagarutse hano muri centre na moto yamuzanye sinzi uwayimwishyuriye.

Nijoro rero yambwiye ngo ikibazo kiramurenze kandi ko yumva atarara mu bantu. Yambwiraga ko iwabo (Musha/Gisagara) atabona aho abihingutsa kuko ngo bari babizi ko abana n’uwo mugore.

Nkomeza mugira inama ko yajya kuri Police mu gitondo ariko mu gitondo ahubwo tumusanga yimanitse hari mu mugozi.”

Umuseke wasanze Police ije gutwara umurambo wa Nsengiyumva n’abaturage benshi b’aha bashungereye.

Abantu b’aha Coko baganiriye n’Umuseke bagira inama urubyiruko yo kwirinda abantu babashukisha ibintu babizeza ibitangaza bakabashora mu busambanyi bushobora kuvamo ibibazo nk’ibi bitumye uyu musore w’imyaka 23 gusa yiyahura.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble vesitne

    Mana tabara urubyiruko. turimubyago rubyiruko tunjyeranjyeze kwirinda isirashajepe amafaranga ntabwarutubuzima kwirinda birutakwivuza nit we rwandarwejo Imana ibigufashemo

    July 2017
  • chat_bubble Sal

    Erega mwa bantu mwese twese tugomba kumenya ko nubwo kiryoha cyane ariko ari ikigombe cyane! Abenshi bapfa no gusunikiramo batazi ko gifite amenyo atyaye kandi aruma ntuvuzwe!

    July 2017

Inzindi nkuru

Magufuli yasabye iperereza ku rupfu rw’umunyeshuri warashwe mu...

Prezida wa Tanzaniya Pombe Magufuli yasabye inzego z’umutekano gukurikirana...
19 February 2018 Yasuwe: 1183 0

Trump yikomye FBI kubera umusore warashe abanyeshuri 17 bagapfa

Perezida wa Leta zunze ubumwe z’ Amerika yacyashye ibiro by’ Amerika...
18 February 2018 Yasuwe: 1481 0

Kenya: Al Shabab yahitanye abarimu batatu undi arakomereka

Abarimu batatu bishwe, uwa kane arakomereka mu majyaruguru ashyira...
16 February 2018 Yasuwe: 484 0

Umusore wishe abanyeshuri 17 yigeze kurwanira n’ umukunzi we ku...

None tariki 15 Gashyantare 2018, nibwo hamenyekanye ko umusore witwa...
15 February 2018 Yasuwe: 3235 1

Abanyekongo 200 000 bahungiye muri Uganda

Umuryango Mpuzamahanga uharanira uburenganzira bwa muntu HRW watangaje ko...
14 February 2018 Yasuwe: 726 0

Iperereza ryatangiye ku Banyaburayi babiri bapfiriye muri Hotel

Polisi ya Uganda yatangiye iperereza ku rupfu rw’abagabo babiri...
11 February 2018 Yasuwe: 2010 0