Leta y’ u Burundi yashinje Ububiligi urupfu rw’ igikomangoma Louis Rwagasore

Amakuru   Yanditswe na: Nsanzimana Ernest 14 October 2018 Yasuwe: 685

Igihugu cy’ u Burundi cyatangaje ko igihugu cy’ Ububiligi aricyo cyatanze itegeko mu 1961 ryo kwica intwaro n’ umuryango w’ ibwami.

U Burundi mu itangazo bwashyize ahagaragara kuri iki Cyumweru tariki 14 Ukwakira 2018 , bwatangaje ko bugiye gushyiraho komisiyo y’ impuguke zigakora iperereza ku bishe igikomangoma Louis Rwagasore n’ umuryango wacyo.

Louis Rwagasore waharaniye ubwigenge bw’ u Burundi yishwe tariki 13 Ukwakira 1961 abana be babiri bapfa mu minsi yakurikiyeho nyuma y’ uko bari babanje kuburirwa irengero.

U Burundi bushinja Ububiligi kuba nyirabayazana w’ ikibazo cy’ amoko gikomeje gushegesha u Burundi. Iki kibazo cyatangiye u Burundi bumaze kubona ubwigenge n’ ubu ntawavuga ko cyakemutse burundu.

U Burundi bwabonye ubwigenge nyuma y’ amezi make Rwagasore apfuye kuko bwabuboneye rimwe n’ u Rwanda tariki 1 Nyakanga 1962.

Louis Rwagasore yari umuhungu w’ umwami Mwambutsa IV na Thérèse Kayonga. Yavukiye mu Gitega mu Burundi tariki 10 Mutarama 1932.

Iri tangazo ryashyizweho umukono n’ umuvugizi w’ u Burundi akaba n’ umujyanama wa Perezida Nkurunziza , Proseper Ntahogwamiye.

Iri tangazo risaba inteko ishinga amategeko y’ u Burundi gukurikiranira hafi ibikorwa by’ iyi komisiyo ishinzwe gukora iperereza ku iyicwa rya Rwagasore.

Abakurikiranira hafi ibya politiki mpuzamahanga bavuga ko ibi u Burundi bwatangaje birasubiza inyuma umubano w’ ibi bihugu dore ko wari usanzwe ucumbagira.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

ONU yashyize hanze imigambi ya Kayumba Nyamwasa n’u Burundi k’u...

Raporo y’inzobere z’umuryango w’abibumbye zikorera muri Repubulika iharanira...
3 January 2019 Yasuwe: 9458 0

Umugabo wabatirizwaga mu ruzi mu mujyi wa Accra yaburiwe irengero

Mu gihugu cya Ghana, umugabo w’ imyaka 20 wabatirizaga mu ruzi rwa Densi mu...
14 December 2018 Yasuwe: 1932 0

Umunyamakuru Jamal Khashoggi uherutse kwicwa, yashyizwe mu dashyikirwa...

Umunyamakuru Jamal Khashoggi wo muri Arabie Saoudite, uherutse kwicirwa...
12 December 2018 Yasuwe: 795 0

Aya niyo magambo ya nyuma umunyamakuru Khashoggi yavuze ataraca

Umunyamakuru Jamal Khashoggi uherutse kwicirwa muri ambasade ya Arabia...
10 December 2018 Yasuwe: 4139 1

Abantu 17 biciwe mu bitero bibiri mu Burasirazuba bwa Kongo

Ibiro Ntaramakuru by’ Abafaransa AFP byatangaje ko nibura abantu 17 biciwe...
8 December 2018 Yasuwe: 698 0

Umupolisi ukomeye mu Burundi yatawe muri yombi nyuma yo kurasa umugore...

Majoro Nduwimana Prime arashinjwa kwica umugore we amurashishije imbunda...
5 December 2018 Yasuwe: 2925 1