skol
startimes

London: Umupolisi yishwe arashwe n’umuntu wari wafashwe ari gusakwa

Amakuru   Yanditswe na: Dusingizimana Remy 25 September 2020 Yasuwe: 1111

Umupolisi yishwe arashwe ku kigo gifungirwamo abantu cyo mu gace ka Croydon kari mu majyepfo y’umurwa mukuru London mu Bwongereza.


Uwo mupolisi w’umugabo w’ipeti rya ’sergent’ (sergeant) yarashwe mu gatuza ubwo umugabo, wari watawe muri yombi, yasohoraga imbunda arimo gusakwa.

Uwo ucyekwaho kwica uwo mupolisi bivugwa ko yahise yirasa, ariko ntiyapfa.

Uwo mupolisi yahawe ubutabazi bwihuse aho byabereye mu ijoro ryacyeye, ariko aza gupfira mu bitaro. Umugabo w’imyaka 23 ararembye bikomeye nyuma yuko avuwe ibikomere by’amasasu.

Minisitiri w’intebe Boris Johnson yagize ati: "Turimo umwenda munini abashyira ubuzima bwabo mu kaga kugira ngo tugire umutekano".

Mu butumwa yatangaje ku mbuga nkoranyambaga, yagize ati: "Nifatanyije cyane n’umuryango, inshuti n’abakoranaga n’umupolisi wiciwe i Croydon mu ijoro ryacyeye".

Ucyekwaho kumwica yatawe muri yombi. Byemezwa ko uwo mupolisi yaburaga ibyumweru bicye ngo ajye mu kiruhuko cy’izabukuru.

Nta mbunda za polisi zabonetse aho hantu byabereye ku isaha ya saa munani na 15 ku isaha yo muri iki gihe mu Bwongereza, ni ukuvuga saa cyenda na 15 z’ijoro ryacyeye mu Rwanda no mu Burundi.

Polisi y’Ubwongereza yavuze ko umuryango w’uwo mupolisi uri kwihanganishwa n’itsinda ribishinzwe rya polisi.

Abajijwe uko umuntu witwaje intwaro yaba yashoboye kwinjira ahafungirwa ayifite, Leroy Logan, wahoze mu bakuru ba polisi y’Ubwongereza, yagize ati:

"Biterwa niba uwo muntu yafatiwe hanze ya sitasiyo ya polisi akaba yazanywe mu modoka".

"Hari ibihe bibaho aho umuntu ashobora kugera aho afungirwa agahita yinjizwa".

"Rero kuba tutazi amakuru yose - uko uyu muntu yageze muri ako gace kaba karimo umutekano ko kuri sitasiyo cyangwa niba ari hanze cyangwa mu mbuga - ducyeneye igihe ngo tugerageze kumenya uko byagenze, kuko amakuru aracyari macye cyane kuri ubu".

Uyu mupolisi wishwe arasiwe i Croydon abaye uwa 17 muri polisi y’Ubwongereza wishwe arashwe kuva intambara ya kabiri y’isi yarangira, nkuko bivugwa n’umunyamakuru wa BBC Dominic Casciani.

Kuva mu ntangiriro y’ikinyejana cya 20, abapolisi 73 ni bo bishwe barashwe n’abagizi ba nabi mu Bwongereza, hatabariwemo abo muri Ireland y’amajyaruguru, nkuko uyu munyamakuru akomeza abivuga.

Nyinshi muri izo mpfu - izirenga 50 - zabaye kuva mu mwaka wa 1945.

Ubusanzwe abapolisi bo mu Bwongereza nta mbunda bitwaza.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ethiopia: Abiy Ahmed yahaye ingabo za Tigray amasaha 72 ngo zibe zamanitse...

Minisitiri w’intebe wa Ethiopia yahaye amasaha 72 ingabo za leta ya Tigray...
23 November 2020 Yasuwe: 591 0

Ethiopia yashyizeho impapuro zo gufata abasirikare bakuru bacyekwaho...

Leta ya Ethiopia yashyizeho impapuro zo guta muri yombi abasirikare bakuru...
19 November 2020 Yasuwe: 1198 0

Umucuruzi wa serivisi zo guhererekanya amafaranga yafatanywe 100,000 FRW...

Mu gitondo cyo ku wa Kabiri tariki ya 17 Ugushyingo 2020, Polisi y’u Rwanda...
19 November 2020 Yasuwe: 993 0

Ingabo za Ethiopia ziri kujya mu murwa mukuru wa Tigray

Ethiopia ivuga ko ingabo zayo zigaruriye ahantu hanini mu leta ya Tigray...
18 November 2020 Yasuwe: 2931 0

Ethiopia: Abiy Ahmed yatangaje igitero simusiga ku murwa mukuru wa...

Minisitiri w’intebe wa Ethiopia Abiy Ahmed yavuze ko igihe ntarengwa cyari...
17 November 2020 Yasuwe: 2325 0

Ethiopia – Tigray: Ibisasu bya rokete byaguye mu nkengero z’umurwa mukuru wa...

Ibisasu bya rokete byarasiwe mu karere ka Tigray ko mu majyaruguru ya...
15 November 2020 Yasuwe: 1274 0