skol
startimes

Mozambike: Inyeshyamba ziyitirira idini rya Islam zafashe umujyi ukomeye

Amakuru   Yanditswe na: Dusingizimana Remy 23 March 2020 Yasuwe: 4528

Inyeshyamba ziyitirira idini ya Islam zivuga ko zirwana intambara ntagatifu, zafashe umwe mu mujyi y’ingenzi muri Mozambique, ni umujyi uri hafi y’aho kompanyi zo mu mahanga ziri gukora umushinga wa gazi wa miliyari $60.


Aba barwanyi bateye umujyi wa Mocimboa da Praia mu ijoro ryakeye bafata ikigo cya gisirikare bahashinga ibendera ryabo nk’uko polisi ibitangaza.

Polisi ivuga ko ifatanyije n’ingabo bagabye igitero cyo guhangana n’aba barwanyi.

Nibwo bwa mbere aba barwanyi bavuga ko bari mu ntambara ntagatifu bateye bagafata umujyi munini muri Mozambique.

Ubusanzwe batera uduce tw’icyaro cyangwa ibikorwa by’ubuhinzi n’ubworozi by’abaturage.

Abaturage bakutse umutima bavuga ko aba barwanyi bafunze inzira zose zisohoka muri uyu mujyi.

Ikinyamakuru kigenga Moz24h gisubiramo amagambo y’umwe mu bahatuye wagize ati: "Bari kujyana abantu ku musigiti bakabafungiranamo".

Mu myaka itatu ishize, abantu babarirwa mu magana barishwe abagera ku bihumbi bava mu byabo kubera ibitero by’izi nyashyamba mu gace k’amajyaruguru ya Mozambique kitwa Cabo Delgado.

Igisirikare cya leta ntikirashobora kurandura izi nyeshyamba nubwo kifashishije kompanyi ya gisirikare yo mu Burusiya.

Aba barwanyi ubwabo biyita al-Shabab, nubwo bitazwi neza niba hari aho bahuriye n’umutwe witwa gutyo uba muri Somalia.

Cabo Delgado ni kamwe mu duce dukennye kurusha utundi muri Mozambique, ariko gakungahaye ku mutungo kamere utarakorwaho.

Mu 2010, Mozambique yavumbuye gazi nyinshi mu nyanja y’ubuhinde ku nkengero za Cabo Delgado.

Mu kwezi gushize kwa cumi, kompanyi y’Abanyamerika yitwa ExxonMobil yatangaje umugambi wayo wo gushora miliyoni $500 mu kubaka ibikorwa bizafasha gutunganya iyo gazi.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Ingabo za Ethiopia zafashe Tigray"-Minisitiri Abiy

Minisitiri w’intebe wa Ethiopia Abiy Ahmed avuga ko ingabo za leta y’iki...
29 November 2020 Yasuwe: 2303 0

Ethiopia:Igisirikare cyatangiye kubyina intsinzi mu mijyi myinshi muri...

Igisirikare cya Ethiopia kivuga ko cyafashe imijyi myinshi yo mu karere ka...
28 November 2020 Yasuwe: 2285 0

Ethiopia: Intambara mu murwa mukuru w’Intara ya Tigray

Abaturage batangiye guhunga umujyi wa Mekele, umurwa mukuru w’intara ya...
27 November 2020 Yasuwe: 3328 0

Tanzania yagiranye amasezerano na Mozambike yateye benshi impungenge

Guverinema ya Tanzaniya ifatanyije n’iya Mozambike kurwanya ibitero...
26 November 2020 Yasuwe: 4985 0

Ethiopia: Minisitiri Abiy yiyemeje kugaba igitero simusiga kuri Tigray...

Amasaha 72 yari yahawe ingabo z’ishyaka Tigray People’s Liberation Front...
26 November 2020 Yasuwe: 1008 0

Ethiopia: Abasirikare ’barimo guhagarika’ abasivile bahunga imirwano muri...

Ingabo za Ethiopia zagabwe ku mupaka ihana na Sudan zirimo kubangamira uko...
26 November 2020 Yasuwe: 1564 0