skol
startimes

Mu gihe Perezida Evariste Ndayishimiye avuga ko igihugu gitekanye, hakomeje kuvugwa imirwano

Amakuru   Yanditswe na: Martin Munezero 28 September 2020 Yasuwe: 2358

Mu gihugu cy’u Burundi, amakuru yakwirakwijwe kuri twitter aravuga ko guhera kuwa Gatandatu gukomeza no kuri iki Cyumweru, itariki 27 Nzeri, hakomeje kuvugwa imirwano ihuza Ingabo z’u Burundi n’abantu bitwaje intwaro, ikaba yakomerekeyemo abasirikare 12 n’abasivili 7.


Ni imirwano bivugwa ko yabereye muri Komini Bukinanyana, mu Ntara ya Cibitoke nk’uko bigaragara kuri twitter y’urubuga rwa SOS Medias Burundi, nubwo perezida Evariste Ndayishimiye akomeje kuvuga ko igihugu gitekanye.

Biravugwa ko kuri iki Cyumweru, abaturage amagana bari bakomeje guhunga imiryango yabo kubera iyo mirwano.

Ntabwo ari mu Ntara ya Cibitoke gusa kandi havuzwe imirwano muri izi mpera z’icyumweru gishize, aho na none mu Ntara ya kayanza, bivugwa ko habaye imirwano hagati y’ingabo za leta zifatanyije n’abapolisi ndetse n’inyeshyamba za RED-Tabara nk’uko bigaragara kuri twitter ya iBurundi.

iBurundi ikaba ivuga ko iyi mirwano yabaye kuwa Gatandatu, itariki 26 Nzeri yaguyemo abantu bagera kuri batatu.

Ibi biravugwa mu gihe kuwa Gatanu, itariki 25 Nzeri, mu kiganiro n’itangazamakuru, Perezida Evariste Ndayishimiye yatangaje ku mugaragaro ko nta mitwe yitwaje intwaro ijya itera u Burundi. Icyo gihe yagize ati:

Iyo uteye igihugu uravuga uti nafashe komini iyi n’iyi. None mwari mwumva hari komini n’imwe bafashe?

Perezida w’u Burundi yavuze ko abo batera igihugu bakica abaturage ari abagizi ba nabi gusa nta wavuga ko u Burundi buterwa abategetsi babwo n’ingabo z’igihugu batari mu kaga.

Kuri uwo wa Gatanu, umutwe wa RED-Tabara wo wigambye kwica abasirikare babiri b’u Burundi no gukomeretsa abagera kuri batatu nyuma yo gukozanyaho bacakiraniye ku mupaka wa Kabarore mu Ntara ya Kayanza kuwa Kane ushize.


Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FARDC yigambye guha isomo inyeshyamba zo mu Burundi izigera kuri 30...

Ingabo za Repubulika iharanira Demokarasi ya Kongo zatangaje ko zafashe...
26 October 2020 Yasuwe: 2055 2

Gen.Secyugu wari ushinzwe ibikorwa bya Gisirikare muri FDLR...

Gen Nsengiyunva Secyugu wari ushinzwe ibikorwa bya gisirikare muri FDLR...
24 October 2020 Yasuwe: 6688 0

Abarwanyi amagana bavuye muri Mozambique batera Tanzania

Polisi muri Tanzania yemeje ko abantu bitwaje intwaro barenga 300 baturutse...
23 October 2020 Yasuwe: 3102 0

Perezida Macron yasabye ubufasha Uburusiya mu kurwanya iterabwoba nyuma...

Perezida Emmanuel Macron yasabye Uburusiya kongera ubufatanye mu kurwanya...
21 October 2020 Yasuwe: 1024 0

Umwarimu w’amateka yaciwe umutwe azira kwerekana igishushanyo cya...

Umwarimu w’amateka wo mu gihugu cy’Ubufaransa yaciwe umutwe azira kwerekana...
17 October 2020 Yasuwe: 2049 0

Umugore yatabawe amaze umwaka n’igice afungiwe mu bwiherero n’umugabo...

Umugore w’imyaka 35 wo mu gihugu cy’Ubuhindi yatabawe na polisi yo mu gace...
15 October 2020 Yasuwe: 8292 1