skol
startimes

Mugihe ikibazo cya Mali kiri gufata indi ntera,Abasirikare bafashe intwaro

Amakuru   Yanditswe na: Martin Munezero 19 August 2020 Yasuwe: 2132

Mu gitondo cyo kuri uyu wa Kabiri, itariki 18 Kanama, mu kigo cya gisirikare cya Kati, mu birometero 15 uvuye mu murwa mukuru wa Mali, Bamako, haramukiye urusaku rw’amasasu, ndetse bamwe mu basirikare bakuru n’abandi bayobozi batawe muri yombi, mu gihe Perezida IBK yaba yahungiye mu kigo cya MINUSMA.



Bikana biravugwa ko hashobora kuba hari kuba igikorwa cyo guhirika ubutegetsi nk’uko byemezwa n’amakuru atandukanye aturuka mu bahagarariye ibihugu byabo muri iki gihugu.

Mu bamaze gutabwa muri yombi haravugwamo minisitiri mushya w’ubukungu, Abdoulaye Daffe, wakuwe mu biro bye muri iki gitondo.

Abahagarariye ibihugu byabo muri Mali basabye abaturage babo kuguma mu ngo zabo, mu gihe imodoka z’abashinzwe disipuline mu gisirikare (MP) zaryamiye amajanja imbere ya minisiteri y’ingabo.

Ku isaha ya saa 13h49 nk’uko bitangazwa na DW, Umugaba mukuru w’ingabo nawe yaba yari amaze gutabwa muri yombi, mu gihe saa 13h56, Perezida w’Inteko Ishinga Amategeko, Moussa Timbine, nawe yari amaze gutabwa muri yombi akuwe iwe.

Kugeza ubu ibintu biri kuba biravugwa ko bitarasobanuka neza I Bamako nubwo igice kimwe cy’uyu mujyi urujya n’uruza rwakomeje.

Ku rundi ruhande, amakuru atangazwa n’urubuga, 7info.ci aravuga ko ababibonye bavuga ko imodoka yuzuyemo abasirikare bariye karungu yagize itya ikagera ku kigo cya gisirikare cya Kati, hagakurikiraho kurasana kwamaze igice cy’isaha.

Biravugwa ko ari abasirikare bivumbuye biganjemo abo mu mutwe ushinzwe gutabara (Groupement d’intervention de la garde nationale) bahise bigarurira iki kigo bagakurikizaho guta muri yombi bamwe mu basirikare bakuru.

Colonel Sadio Camara, wahoze ari umuyobozi w’ishuri rya gisirikare rya Kati, ari we uyoboye ingabo zivumbuye, ndetse abantu be ari bo bafashe minisitiri w’ubukungu, Daffé.

Biravugwa ko amasaha macye mbere y’ibi, Perezida wa Mali, Ibrahim Boubacar Kéita, yari amaze gukura ku mwanya w’umuyobozi ushinzwe umutekano muri perezidansi, Lt. Col. Ibrahim Traoré, hakaba hari kwibazwa niba uku kwivumbura kwa bamwe mu basirikare b’igihugu bidafitanye isano n’iyirukanwa rye.

Amakuru ya nyuma aheruka akaba avuga ko Perezida IBK yaba yahungiye mu kigo cy’ingabo z’Umuryango w’Abibumbye muri Mali (MINUSMA), mu gihe abasirikare bivumbuye bari kwerekeza ku ngoro y’umukuru w’igihugu izwi nka “Le palais de Koulouba”

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nigeria: Abahinzi biciwe mu gitero cy’ubugome ’ndengakamere’

Abantu batari munsi ya 43 biciwe mu cyo Perezida wa Nigeria yavuze ko ari...
29 November 2020 Yasuwe: 1565 0

"Ingabo za Ethiopia zafashe Tigray"-Minisitiri Abiy

Minisitiri w’intebe wa Ethiopia Abiy Ahmed avuga ko ingabo za leta y’iki...
29 November 2020 Yasuwe: 2355 0

Ethiopia:Igisirikare cyatangiye kubyina intsinzi mu mijyi myinshi muri...

Igisirikare cya Ethiopia kivuga ko cyafashe imijyi myinshi yo mu karere ka...
28 November 2020 Yasuwe: 2323 0

Ethiopia: Intambara mu murwa mukuru w’Intara ya Tigray

Abaturage batangiye guhunga umujyi wa Mekele, umurwa mukuru w’intara ya...
27 November 2020 Yasuwe: 3352 0

Tanzania yagiranye amasezerano na Mozambike yateye benshi impungenge

Guverinema ya Tanzaniya ifatanyije n’iya Mozambike kurwanya ibitero...
26 November 2020 Yasuwe: 5001 0

Ethiopia: Minisitiri Abiy yiyemeje kugaba igitero simusiga kuri Tigray...

Amasaha 72 yari yahawe ingabo z’ishyaka Tigray People’s Liberation Front...
26 November 2020 Yasuwe: 1008 0