Nigeria: Generali wari uyoboye kurwanya Boko Haram yirukanwe

Amakuru   Yanditswe na: Iyamuremye Janvier 8 December 2017 Yasuwe: 583

Igisirikare cyo muri Nigeria cyirukanye umusirikare wari uyoboye igikorwa cyo kurwanya intagondwa zo mu mutwe wa Boko Haram mu majyaruguru y’igihugu.

Iyirukanwa ry’uyu mujenerali wari warahawe ako kazi mu kwezi kwa gatanu kuje gukurikira ibitero izo ntagondwa zimaze ibyumweru zigaba.

Ubuyobozi bw’igisirikare cya Nigeria ntabwo bwigeze butanga ibisobanuro birambuye ku cyatumye General Major Ibrahim Attahiru avanwa kuri uwo mwanya.

Ariko abakurikiranira hafi ibibera muri Nigeria baravuga ko ibi bishobora kuba bifite aho bihuriye n’ibitero biheruka bya Boko Haram mu majyaruguru y’uburasirazuba bw’igihugu harimo n’icyahitanye abantu byibura 50 mu musigiti wo mujyi wa Mubi mu ntara ya Adamawa.

Umuvugizi w’igisirikare cya Nigeria yabwiye BBC ducyesha iyi nkuru ko General Attahiru yahawe akandi kazi ku biro bikuru by’igisirikare mu mujyi wa Abuja.

Yasimbuwe na General Nicholas Rogers uherutse kuyobora igikorwa gihuriweho n’igipolisi n’igisirikare mu karere gakunze kuvugwamo ibikorwa byo gukozanyaho bishingiye ku moko hagati mu gihugu.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda: Umupadiri akurikiranyweho kwica abashinzwe umutekano...

Polisi ya Uganda yataye muri yombi abantu batanu barimo n’ umupadiri...
12 December 2017 Yasuwe: 322 0

Magufuli ababajwe cyane n’abasirikare be biciwe muri Kongo

Abasirikare 14 mu bari mu butumwa bw’amahoro muri Repubulika Iharanira...
9 December 2017 Yasuwe: 700 0

Juba: Abasirikare b’u Rwanda bambitswe imidali y’ishimwe na Loni-AMAFOTO

Ingabo z’u Rwanda, zo muri Rwanbatt1, ziri mu butumwa bw’amahoro mu Muryango...
9 December 2017 Yasuwe: 376 0

Congo: Inyeshyamba zivuganye abasirikare ba Loni 14

Abasirikare 14 mu bari mu butumwa bw’amahoro muri Repubulika Iharanira...
8 December 2017 Yasuwe: 930 0

Inyeshyamba ziriyongera mu burasirazuba bwa Congo kubera Kabila

Itsinda ryashyizweho n’ Umuryango Mpuzamahanaga Uharanira Uburenganzira bwa...
8 December 2017 Yasuwe: 1392 0

Nigeria: Generali wari uyoboye kurwanya Boko Haram yirukanwe

Igisirikare cyo muri Nigeria cyirukanye umusirikare wari uyoboye igikorwa...
8 December 2017 Yasuwe: 583 0