ONU irashinja Uburusiya gutsikamira uburenganzira bwa muntu

Amakuru   Yanditswe na: Iyamuremye Janvier 25 September 2017 Yasuwe: 469

Raporo y’umuryango w’abibumbye yasohotse uyu munsi ivuga kw’ihohoterwa rikabije n’itsikamirwa ry’uburenganzira bwa muntu mu ntara ya Crimea.

Mu mwaka w’2014 ni bwo Uburusiya bwometse intara ya Crimea ku butaka bwabwo, buyambuye igihugu cya Ukraine. Kuva icyo gihe aka gace kagiye karangwamo umutekano mucye n’ihohoterwa rikorerwa abagatuye.

Raporo y’ishami rya ONU ryita ku burenganzira bwa muntu ivuga ko Uburusiya, nk’igihugu cyavogeye iyo ntara, bwarenze ku mategeko mpuzamahanga menshi y’ubutabazi n’ay’uburenganzira bwa muntu.

Fiona Frazer, uhagarariye ishami ry’umuryango w’abibumbye ryita ku burenganzira bwa muntu muri Ukraine, avuga ko iyi raporo yakozwe ku byabaye hagati y’umwaka w’2014 n’2017. Asobanura ko hagiye habaho gufatwa, gufungwa, guhohoterwa ndetse no kuburirwa irengero kwa bamwe mu batuye iyi ntara ya Crimea, kandi ababikoze ntibakurikiranwe ngo bahanwe.

Abaturage ba Crimea benshi banze kuba ingaruzwamuheto z’Uburusiya, bahitamo guhungira muri Ukraine rwagati. Raporo ivuga ko abagera mu bihumbi bakomeje kuba muri Crimea, badafite ubwenegihugu bw’Uburusiya bahura n’ingorane z’urudaca.

Raporo y’ishami rya ONU ryita ku burenganzira bwa irashinja Uburusiya buyobowe na Vladmir Putin kuvogera intara ya Crimea

IJWI RY’AMERIKA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda: Umupadiri akurikiranyweho kwica abashinzwe umutekano...

Polisi ya Uganda yataye muri yombi abantu batanu barimo n’ umupadiri...
12 December 2017 Yasuwe: 333 0

Magufuli ababajwe cyane n’abasirikare be biciwe muri Kongo

Abasirikare 14 mu bari mu butumwa bw’amahoro muri Repubulika Iharanira...
9 December 2017 Yasuwe: 700 0

Juba: Abasirikare b’u Rwanda bambitswe imidali y’ishimwe na Loni-AMAFOTO

Ingabo z’u Rwanda, zo muri Rwanbatt1, ziri mu butumwa bw’amahoro mu Muryango...
9 December 2017 Yasuwe: 378 0

Congo: Inyeshyamba zivuganye abasirikare ba Loni 14

Abasirikare 14 mu bari mu butumwa bw’amahoro muri Repubulika Iharanira...
8 December 2017 Yasuwe: 934 0

Inyeshyamba ziriyongera mu burasirazuba bwa Congo kubera Kabila

Itsinda ryashyizweho n’ Umuryango Mpuzamahanaga Uharanira Uburenganzira bwa...
8 December 2017 Yasuwe: 1396 0

Nigeria: Generali wari uyoboye kurwanya Boko Haram yirukanwe

Igisirikare cyo muri Nigeria cyirukanye umusirikare wari uyoboye igikorwa...
8 December 2017 Yasuwe: 584 0