Perezida Putin yavuze ibintu 2 bizatuma Uburusiya bukoresha intwaro z’ ubumara

Amakuru   Yanditswe na: Nsanzimana Ernest 5 March 2018 Yasuwe: 1689

Perezida w’ Uburusiya Vladmir Putin nyuma yo gutangaza ko isasaha ku isaha intambara ya 3 y’ Isi ishobora gutangira, yakomoje no ku bintu bibiri bishobora gutera Uburusiya kubikura intwaro z’ ubumara.

Mu kiganiro yagiranye na televiziyo NBC Perezida Putin yavuze ko hagize igihugu gitera Uburusiya kigakoresha intwaro z’ ubumara Uburusiya nabwo bwahita bubikura izo bubitse.

Yagize ati “Hari impamvu ebyiri zatuma Uburusiya bukoresha intwaro z’ ubumara: Hagize abatera Uburusiya bagakoresha intwaro z’ Ubumara, cyangwa hagize abakoresha intwaro kirimbuzi bikangira ingaruka ku Leta y’ Uburusiya”

Perezida Putin yatangaje ibi nyuma y’ uko mu cyumweru gishize tariki ya 1 Werurwe ubwo yari imbere y’ Inteko ishinga amategeko y’ igihugu cye ayigezaho ijambo rikuru ry’ umwaka yavuze ko iki gihugu kirimo gutegura kumurika intwaro zigezweho z’ ubumara ndetse anongeraho ko hagize abashotora Uburusiya bwabereka ko buhora buryamiye amajanja.

Yagize ati “Abanzi b’ Uburusiya bibeshye, umwanzi wacu yahita abona ko duhora turyamije amajanja. Abashotora igihugu cyacu, twabereka uburakari ako kanya (immediate reaction)”

Perezida Putin ayoboye Uburusiya kuva mu mwaka 2000 ndetse biteganyijwe ko tariki 18 Werurwe 2018 azatangira kwiyamamariza manda ya kane.

No kuri iyi nshuro niwe uhabwa amahirwe yo gutsinda amatora kuko abo bahanganye bafatwa nk’ abana muri politiki ndetse muri bo hakaba harimo abivugira ko amatora ya Perezida mu Burusiya ari nko kurangiza umuhango kuko Putin itsinzi imuhora hafi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble BIREKE

    Wowe wiyise PUTIN,ntabwo uzi ko Amerika n’Uburusiya nibarwana isi yose izashira kubera ko noneho bazakoresha atomic bombs.Ibi nibihe isomo abantu bahakana imperuka y’isi.Wabonye ko na PUTIN yavuze ko Intambara ya 3 y’isi ishobora gutangira isaha n’isaha.

    1 month ago
  • chat_bubble Putin

    Putin numuntu wumugabo ntavuga menshi nicyo mukundira. Bazibeshye gato. Bakomeze baze kumutega intwaro mu marembo ye.Nibibeshya gato bagasitara bakarasa.

    1 month ago

Inzindi nkuru

Umuriro wishe umuntu muri Trump Tower

Umuriro wadutse mu nyubako ya Perezida wa Leta zunze ubumwe za Amerika...
8 April 2018 Yasuwe: 1343 0

Kampala: Kuri pasika abantu 200 batawe muri yombi

Mu mugi wa Kampala muri Uganda abantu bagera kuri 200 batawe muri yombi na...
2 April 2018 Yasuwe: 801 0

Umugororwa yarashe umupolisi ku kuguru abagororwa 68 barapfa

Imiryango y’ abagororwa 68 bari bafungiye ahitwa Carabobo mu gihugu cya...
29 March 2018 Yasuwe: 2313 0

Umugore wari ushinzwe guha ikaze abagenzi mu ndege yayituyemo...

Umugore wakoreraga sosiyete intwara abagenzi mu ndege Emirates Airlines...
18 March 2018 Yasuwe: 3173 0

Abantu 8 baguye mu mpanuka ya kajugujugu muri Sénégal

Impanuka y’indege yo mu bwoko bwa kajugujugu yahitanye abantu 8, abandi 12...
15 March 2018 Yasuwe: 841 0

Gen. Kayihura yasabye imbabazi uwo yaba yarahutaje

Uwahoze ari umuyobozi mukuru wa polisi ya Uganda Generale Kale Kayihura mu...
15 March 2018 Yasuwe: 2992 0