S.A: Umuriro wahitanye 7 barimo uruhinja n’ umugore utwite

Amakuru   Yanditswe na: Nsanzimana Ernest 30 October 2018 Yasuwe: 386

Inkongi y’ umuriro imaze iminsi muri Afurika y’ Epfo yahitanye abantu 7 barimo uruhinja n’ umugore utwite nk’ uko abashinzwe guzimya inkongi babitangaje kuri uyu wa Mbere tariki 29 Ukwakira 2018.

Colin Deiner umuyobozi w’ ishami rishinzwe ibiza yabwiye Ibiro ntaramakuru by’ Abafaransa ko umugore uri mu bahitanywe n’ iyi nkongi yari atwite inda y’ amezi 8.

Iyi nkongi yatangiriye mu gice cy’ amagepfo gikorerwamo ubukerarugendo mu cyumweru gishize. Icyateye inkongi ntabwo kiramenyekana.

Iyi nkongi yatwitse hegitari 16,600 n’ amazu 1,500 byumvikana ko hari abakuwe mu byabo.

Ibinyamakuru byo muri Afurika y’ Epfo byatangaje ko abanyeshuri biga muri Kaminuza yitiriwe Nelson Mandela ishami riherereye hafi y’ imisozi ya Outeniqua mu mujyi wa George nabo bakuwe mu byabo.

Abantu barenga 400 batojwe ibyo kuzimya inkongi boherejwe muri aka gace guhangana nayo. Aka gace gaherereye ku bilometero 450 uvuye mu mujyi wa Cape Town werekeza mu burasirazuba. Uvuye mu mujyi wa Cape Town iyi nkongi iri ku ntera ingana no kuva I Kigali ujya I Muhanga inshuro 9.

Deiner yavuze ko umuyaga ariwo urimo guteza ikibazo gikomeye mu guhangana n’ iyi nkogi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

ONU yashyize hanze imigambi ya Kayumba Nyamwasa n’u Burundi k’u...

Raporo y’inzobere z’umuryango w’abibumbye zikorera muri Repubulika iharanira...
3 January 2019 Yasuwe: 7525 0

Umugabo wabatirizwaga mu ruzi mu mujyi wa Accra yaburiwe irengero

Mu gihugu cya Ghana, umugabo w’ imyaka 20 wabatirizaga mu ruzi rwa Densi mu...
14 December 2018 Yasuwe: 1652 0

Umunyamakuru Jamal Khashoggi uherutse kwicwa, yashyizwe mu dashyikirwa...

Umunyamakuru Jamal Khashoggi wo muri Arabie Saoudite, uherutse kwicirwa...
12 December 2018 Yasuwe: 649 0

Aya niyo magambo ya nyuma umunyamakuru Khashoggi yavuze ataraca

Umunyamakuru Jamal Khashoggi uherutse kwicirwa muri ambasade ya Arabia...
10 December 2018 Yasuwe: 3508 1

Abantu 17 biciwe mu bitero bibiri mu Burasirazuba bwa Kongo

Ibiro Ntaramakuru by’ Abafaransa AFP byatangaje ko nibura abantu 17 biciwe...
8 December 2018 Yasuwe: 684 0

Umupolisi ukomeye mu Burundi yatawe muri yombi nyuma yo kurasa umugore...

Majoro Nduwimana Prime arashinjwa kwica umugore we amurashishije imbunda...
5 December 2018 Yasuwe: 2899 1