skol
startimes

Somalia: Abasirikare ba Leta babohoje Elite Hotel yari yigaruriwe na al-Shabab

Amakuru   Yanditswe na: Dusingizimana Remy 17 August 2020 Yasuwe: 563

Itsinda ry’abasirikare kabuhariwe ba Somalia rivuga ko ryasoje ihagarara ry’ubuzima kuri hoteli yo mu murwa mukuru Mogadishu yari yagabweho igitero n’intagondwa za al-Shabab zigendera ku mahame akaze ya kisilamu.


Abantu batari munsi ya 11 biciwe kuri ’Elite Hotel’ iri mu gace ka Lido kari ku mwaro w’inyanja, hiyongereyeho n’intagondwa eshanu, nkuko umuvugizi wa leta yabivuze.

Abateye ku munsi w’ejo ku cyumweru baturikije igisasu cyari giteze mu modoka iri hanze y’iyo hoteli, mbere yuko bayigarurira.

Iyi hoteli imaze igihe gito yubatswe, ni iy’umudepite, kandi ikunze kugendererwa n’abategetsi.

Ababibonye bavuze ko uko guturika kwa mbere ko mu modoka kumvikanye mu bice bitandukanye bya Mogadishu, haba akajagari ubwo abantu bahungaga ako gace.

Abakora mu nzego z’umutekano bahise bazitira iyo hoteli barasana n’abagabo bitwaje imbunda bari bari imbere muri hoteli.

Nyuma y’amasaha ane, Ismael Mukhtaar Omar, umuvugizi wa leta ya Somalia, yatangaje kuri Twitter ko icyo gitero kirangiye kandi ko abakigabye bose bishwe.

Bitangazwa ko mu bapfuye harimo n’umutegetsi mukuru wo muri minisiteri y’itangazamakuru ya Somalia ndetse n’undi wo muri minisiteri y’ingabo. Abandi bantu babarirwa muri za mirongo batangajwe ko bakomeretse.

Umuvugizi wa leta ya Somalia yavuze ko abantu barenga 200 barokowe muri iyo hoteli.

Urubuga rw’amakuru Dhacdoone rutegamiye kuri leta rwatangaje ko iyo hoteli ari imwe mu nyubako zirinzwe bikomeye i Mogadishu.

Itangazo ryatangajwe mbere kuri internet ryitiriwe umutwe wa al-Shabab ryagize riti:

"Aba-mujahideen [abarwanirira isilamu] bagabye igitero kirimo ubumaritiri [gupfa uzize imyemerere] n’itsinda ry’abakomando kuri hoteli y’umudepite wo mu itsinda ry’abatagira idini [leta ya Somalia]".

Al-Shabab, ikorana n’umutwe wa al-Qaeda, imaze imyaka irenga icumi ibiyogoza muri Somalia.

Yatsinzwe i Mogadishu n’ingabo za leta ya Somalia zifatanyije n’ingabo z’ibihugu bimwe - birimo n’u Burundi - zoherejwe n’umuryango w’Ubumwe bw’Afurika kubungabungayo amahoro.

Mu mezi abiri ashize, ibitero bya al-Shabab byariyongereye i Mogadishu.

Mu cyumweru gishize, muri gereza habayeho kurasana hagati y’imfungwa za al-Shabab n’abashinzwe umutekano, hapfa abantu batari munsi ya 20.

Izo ntagondwa - zari zashoboye kubona intwaro - zageragezaga gutoroka iyo gereza irinzwe bikomeye iri i Mogadishu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ethiopia: Abiy Ahmed yahaye ingabo za Tigray amasaha 72 ngo zibe zamanitse...

Minisitiri w’intebe wa Ethiopia yahaye amasaha 72 ingabo za leta ya Tigray...
23 November 2020 Yasuwe: 570 0

Ethiopia yashyizeho impapuro zo gufata abasirikare bakuru bacyekwaho...

Leta ya Ethiopia yashyizeho impapuro zo guta muri yombi abasirikare bakuru...
19 November 2020 Yasuwe: 1193 0

Umucuruzi wa serivisi zo guhererekanya amafaranga yafatanywe 100,000 FRW...

Mu gitondo cyo ku wa Kabiri tariki ya 17 Ugushyingo 2020, Polisi y’u Rwanda...
19 November 2020 Yasuwe: 991 0

Ingabo za Ethiopia ziri kujya mu murwa mukuru wa Tigray

Ethiopia ivuga ko ingabo zayo zigaruriye ahantu hanini mu leta ya Tigray...
18 November 2020 Yasuwe: 2924 0

Ethiopia: Abiy Ahmed yatangaje igitero simusiga ku murwa mukuru wa...

Minisitiri w’intebe wa Ethiopia Abiy Ahmed yavuze ko igihe ntarengwa cyari...
17 November 2020 Yasuwe: 2323 0

Ethiopia – Tigray: Ibisasu bya rokete byaguye mu nkengero z’umurwa mukuru wa...

Ibisasu bya rokete byarasiwe mu karere ka Tigray ko mu majyaruguru ya...
15 November 2020 Yasuwe: 1273 0