addresiya
startimes

Inama y’ umutekano mu Burundi yashyize u Rwanda mu majwi

Amakuru   Yanditswe na: Nsanzimana Ernest 23 July 2018 Yasuwe: 16190

Inama y’umutekano y’u Burundi yasohoye itangazo rivuga ko abayobozi b’u Rwanda bamaze iminsi bavuga imvugo zitabereye ku gihugu cy’u Burundi.



Iyi nama y’ umutekano yamaganye igikorwa kimaze iminsi aho u Rwanda rwirukana Abarundi babaga mu bice bitandukanye by’ umwihariko mu karere ka Gisagara.

Biri mu itangazo iyo nama yatangaje kuri uyu wa 22 Nyakanga ryasomwe n’umukuru w’iyo nama y’umutekano Silas Ntigurirwa.

Yagize ati “Inama nkuru y’umutekano iramagana iyo myifatire itubahiriza amategeko mpuzamahanga agenga imipaka y’igihugu n’agenga uburenganzira bwa muntu”.
Umukuru w’inama y’umutekano ntabwo yatomoye ngo atunge agatoki izo mvugo zitabereye abategetsi b’u Rwanda baba barakoresheje.

Mu minsi ishize habaye ibikorwa byo guhungabanya umutekano mu Rwanda mu turere twegereye ishyamba rya Nyungwe, hafi y’umupaka w’u Burundi mu karere ka Nyaruguru.

Polisi y’ u Rwanda bavuze ko abagabye ibyo baturutse mu Burundi, bakaba ari naho basubiye.

Gusa u Burundi bwarabihakanye buvuga ko ataribyo na gatoya.

Mu mezi abiri ashize Abarundi baharirwa mu magana baba mu Rwanda birukanywe n’ubutegetsi bw’ u Rwanda. Umuyobozi w’ akarere ka Gisagara Rutaburingoga Jerome yabwiye itangazamakuru ko Abarundi birukanywe ari abadafite ibyangombwa bibemerera kuba mu Rwanda.

BBC yatangaje ko bamwe mu birukanywe bashinja abayobozi bo mu Rwanda kubanyaga imitungo yabo.

Ibi byose birimo kuba mu gihe hashize imyaka itatu u Rwanda n’ u Burundi bitarebana neza mu gihe ubusanzwe ari ibihugu bisangiye amateka n’ abaturage babyo bakaba bumvikana batagombye umusemuzi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    Abayobozi b’u Burundi njye barandwaza pe !! niba ari ikibazo kindi bifitemo, niba ari umuco wabo wihariye ubibatera , niba ari ukudakura muri Politike ... byarancanze kabisa!!

    Wagirango ni abana b’ ibitambambuga birirwa barega rega ku babyeyi babo ( Maman, kanaka andiriye umukate!! Papa, bandiriye ibiryo ! Kanaka aranoshe cg se aramwaje!!!... ) Ibi ni ibiki Koko?? Ni akumiro!!

    Niba abaturage b’u Burundi ari kuriya bayobowe cg bayobowe n’abantu bameze kuriya baragowe pe!!

    April 2019
  • chat_bubble Bosco

    Ariko abayobozi buburundi badushakaho iki? interahamwe zirahungabanya umutekano wacu zigasubirayo bakazicumbikira none baravuga ubusa gusa mumenyeko abaturage banyu dufitanye isano yahafi gushyigikira inkoramaraso bizabatera umwaku muzabibona

    July 2018

Inzindi nkuru

Perezida Trump yiyemeje kohereza abasirikare guhashya abigaragambya,ibipimo...

Perezida Donald Trump wa Leta Zunzwe Ubumwe z’Amerika yakangishije kohereza...
2 June 2020 Yasuwe: 2760 0

Perezida Trump yagiye mu bwihisho bwa White House ubwo imyigaragambyo yari...

Perezida Donald Trump wa Amerika yajyanywe mu bwihisho bw’umutamenwa bwa...
1 June 2020 Yasuwe: 7679 0

US:Umushoferi wari utwaye igikamyo yanyuze hagati y’abigaragambya kubera...

Igikamyo cyahoreye kinyura mu muhanda wari wuzuyemo abigaragambya mu mujyi...
1 June 2020 Yasuwe: 4367 0

Somalia:Igisasu cyari giteze mu butaka cyishe abantu 10 bari bagiye...

Polisi n’ababibonye bavuga ko abantu bagera ku 10 bishwe n’igisasu cyari...
31 May 2020 Yasuwe: 623 0

US:Abatuye imwe mu mijyi babujijwe kujya hanze nijoro kubera imyigaragambyo...

Hashyizweho igihe ntarengwa cyo kuba abantu bidegembya hanze mu mijyi yo...
31 May 2020 Yasuwe: 1447 0

USA:Abigaragambya batwitse station ya polisi ya Minneapolis kubera urupfu...

Mu ijoro rya gatatu ry’imyigaragambyo kubera urupfu rwa George Floyd mu...
29 May 2020 Yasuwe: 2116 0