skol
fortebet

Uganda: Ubwicanyi bukorerwa abagore n’ abakobwa burimo gufata indi ntera

Yanditswe: Sunday 13, Aug 2017

Sponsored Ad

Mu gihugu cya Uganda hakomeje kugaragara ubwicanyi bukorerwa abagore n’ abakobwa mu bice bitandukanye. Kuri iki Cyumweru tariki ya 13 Kanama 2017, abandi bagore babiri babonywe bishwe mu gace ka Entebbe ho mu karere ka Masaka. Inkuru ya Dailmonitor ikinyamakuru gikorera muri Uganda , ivuga ko abagore babiri bishwe n’abagizi ba nabi bataramenyekana, ibikorwa bikomeje kwibasira iki gihugu mu mpande zitandukanye.
Kuri ubu umugore w’imyaka 35, Sarah Nakajjo Nakintu, yabonywe mu gihuru udukoko (...)

Sponsored Ad

Mu gihugu cya Uganda hakomeje kugaragara ubwicanyi bukorerwa abagore n’ abakobwa mu bice bitandukanye. Kuri iki Cyumweru tariki ya 13 Kanama 2017, abandi bagore babiri babonywe bishwe mu gace ka Entebbe ho mu karere ka Masaka.

Inkuru ya Dailmonitor ikinyamakuru gikorera muri Uganda , ivuga ko abagore babiri bishwe n’abagizi ba nabi bataramenyekana, ibikorwa bikomeje kwibasira iki gihugu mu mpande zitandukanye.

Kuri ubu umugore w’imyaka 35, Sarah Nakajjo Nakintu, yabonywe mu gihuru udukoko twatangiye kwangiza umubiri we no kwinjira mu bice by’ibanga, ni mugihe undi murambo wabonywe na wo na polisi muri aka karere ka Masaka, aho umukobwa w’imyaka 20, bivugwa ko yabanje gufatwa ku ngufu, umurambo we wari wajugunywe mu muhanda Nyendo-Ssenyange.

Ubu bwicanyi bumaze iminsi buvugwa muri Uganda, aho abakobwa bibasirwa n’abagizi ba nabi, bamara kubafata ku ngufu bakabica.

Polisi yo muri Entebbe ikaba yamaze guta muri yombi Godfrey Mayanja, umugabo wa Nakintu ndetse na John Bwanika umupfumu wiyita umuganga ngo bifashishwe mu iperereza nkuko bitangazwa na ASP Zachariah Mbabazi, umukuru w’urwego rw’iperereza muri Entebbe.

Mu minsi ishize nibwo twabagejejeho inkuru y’umusore wishe umukunzi we, ndetse n’abandi bakobwa bagiye bafatwa ku ngufu nyuma bakicwa muri Uganda.
Kubera iki kibazo cy’ubigizi bwa nabi, polisi yasabye abantu bose ko bagomba kuba bageze mu ngo zabo mbere ya saa yine z’ijoro, kandi n’inzu z’ubucuruzi zikaba zafunze.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa