Ikamyo y’ igisirikare cya Uganda yari ipakiye intwaro yahiriye mu muhanda, aya makuru yemejwe n’ igisirikare cy’ iki gihugu.

Sponsored Ad

Umuvugizi w’ igisirikare cya Uganda, Brig. Richard Karemire yavuze ko iyi kamyo yari intwaye intwaro izijyanye mu ishuri rikorerwamo imyitozo ya gisirikare ‘Karama Armoured Warfare Training School’.

Yagize ati “Ikamyo ya UPDF ‘loader trailer’ yari ipakiye imodoka z’ intambara ku ishuri rikorerwamo imyitozo ya gisirikare’ Karama Armoured Warfare Training School’ Nta muntu iyi mpanuka yahitanye”.

Umuyobozi w’ agashami gashinzwe kurwanya inkongi muri Polisi ya Uganda ahitwa Mityana yatangaje ko saa moya z’ umugoroba wo ku wa Gatandatu tariki 28 Nyakanga aribwo bahamagawe bamenyeshwa ko ikamyo ya UPDF irimo gushya.

Ati Twahise tunyarukirayo dutabara ubuzima bw’ abantu batatu bari muri iyo kamyo”

Viga yatangaje ko bakirimo gushakisha icyateye iyi nkongi.