Umubare w’abarwanyi b’umutwe wa Leta ya Kislamu bahitanywe n’igisasu rutura cya Leta zunze ubumwe z’Amerika cyitwa “Nyina w’amabombe yose” uragenda wiyongera.
Leta y’Afghanistani iratangaza ko cyahitanye 92, kandi ko uyu mubare ushobora kwiyongera.
Afghanistani yari yatangaje bwa mbere ko abarwanyi ba Leta ya Kislamu 36 bishwe na “Nyina w’ amabombe yose” kandi ko nta musivili n’umwe iki gisasu cyahitanye. Ibiro bya Perezida w’Afghanistani, Ashraf Ghani, byemeza ko Amerika yarashe ifatanyije n’inzego (...)

Sponsored Ad

Umubare w’abarwanyi b’umutwe wa Leta ya Kislamu bahitanywe n’igisasu rutura cya Leta zunze ubumwe z’Amerika cyitwa “Nyina w’amabombe yose” uragenda wiyongera.

Leta y’Afghanistani iratangaza ko cyahitanye 92, kandi ko uyu mubare ushobora kwiyongera.

Afghanistani yari yatangaje bwa mbere ko abarwanyi ba Leta ya Kislamu 36 bishwe na “Nyina w’ amabombe yose” kandi ko nta musivili n’umwe iki gisasu cyahitanye. Ibiro bya Perezida w’Afghanistani, Ashraf Ghani, byemeza ko Amerika yarashe ifatanyije n’inzego z’umutekano w’igihugu cye.

Igisasu “Nyina w’amabombe yose” gifite uburemere bw’ibilo ibihumbi icumi. Amerika yakirashe kuwa Kane ku birindiro bya Leta ya Kislamu biri mu buvumo, mu ntara ya Nangarhar, mu burasirazuba bw’amajyaruguru y’Afghanistani. Ni ubwa mbere iki gisasu gikoreshejwe mu ntambara.

Uwahoze ari perezida w’Afghanistani, Hamid Karzai, yacyamaganiye kure, n’imbaraga nyinshi. Avuga ko “Amerika irimo ikoresha igihugu cyabo kugirango ikore igerageza ry’intwaro z’ishyano.”

Bombe nini kurusha izindi yahawe izina rya "Nyina w’ amabombe"