Umuganga wongere ikibuno cy’ umugore bikamuviramo urupfu yatawe muri yombi

Amakuru   Yanditswe na: Nsanzimana Ernest 22 July 2018 Yasuwe: 1352

Polisi yo muri Brazil yataye muri yombi Dogiteri Denis Furtado uzwi cyane nka Dogiteri Bumbum, umuganga wo muri Brezili ufasha abantu b’ibyamamare guhindura imiterere y’imibiri yabo uko babyifuza, yatawe muri yombi nyuma y’iminsi ine yihishahisha kubera urupfu rw’umwe mu bamugana w’umugore yongereraga ikibuno.

Polisi iravuga ko Dogiteri Furtado ari mu maboko ya polisi mu mujyi wa Rio de Janeiro nyuma y’ubutumwa bw’aho aherereye bwatanzwe n’umuntu utivuze izina.

Umurwayi we Lilian Calixto yapfuye nyuma y’imiti yari yamuteye mu rwego rwo kumwongerera ikibuno.

Muganga Furtado ubu akurikiranyweho icyaha cyo kwica umuntu. Nyina umubyara na we yatawe muri yombi ashinjwa ubufatanyacyaha.

Abakora iperereza baravuga ko muganga Furtado yagerageje kongerera ikibuno Madamu Calixto - wari ufite imyaka 46 y’amavuko akaba n’umuyobozi wa banki - abikoreye iwe mu mujyi wa Rio de Janeiro, ariko uyu mugore usize abana babiri agahita atangira kurwara ubwo byakorwaga.

Bavuga ko uyu muganga yahise amujyana mu bitaro ariko agakomeza kumererwa nabi, akaza kwitaba Imana amasaha macye nyuma yaho.

Ibitangazamakuru byo muri Brezili byatangaje ko uyu mugore ubwo yagezwaga ku bitaro umutima we wateraga wihuta cyane mu buryo budasanzwe. Kuva icyo gihe uyu muganga Furtado yari yaraburiwe irengero.

Ku wa gatatu w’iki cyumweru, umwunganizi we mu mategeko yari yavuze ko ari umwere, kandi ko impamvu atari yishyikirije polisi ari uko yari yahiye ubwoba.


Uyu muganga avuga ko ibyabaye ari impanuka


Uyu mugore niwe wapfuye yongererwa ikibuno

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwe mu bagabo bari mu bwato bwarohamye muri Tanzania yatabawe uyu munsi...

Mu gitondo cyo kuri uyu wa Gatandatu abatabazi barimo gushakisha abari mu...
22 September 2018 Yasuwe: 3442 0

Ngendakumana n’ umugore bishwe byatumye u Burundi bwikoma u Rwanda

Daniel Ngendakumana uri muri komisiyo y’ umutekano akaba no mu mbonerakure...
21 September 2018 Yasuwe: 2846 1

Umukobwa wagaragaye ari kumwe na Bobi Wine mu ndege yaketsweho kuba maneko...

Umupolisikazi Pamela Kentaro, wo mu ishami rishinzwe kurwanya iterabwoba...
21 September 2018 Yasuwe: 4905 0

Imibare y’ agateganyo , 94 bapfiriye mu mpanuka y’ ubwato bunini bwarohamye...

Ubwato bunini bwari butwaye abantu benshi bwarohamye mu kiyaga cya Victoria...
21 September 2018 Yasuwe: 468 0

Abantu amagana hari ubwoba ko bapfiriye mu mpanuka y’ ubwato muri...

Leta ya Tanzania yatangaje ko hari abantu benshi bapfuye kubera ubwato...
20 September 2018 Yasuwe: 1768 0

Umubare w’ abahitanywe n’ impanuka y’ imodoka yaguye mu ruzi rwa Nili urimo...

Ku Cyumweru mu gitondo saa kumi n’ imwe imodoka yari itwaye abantu 20 baguye...
18 September 2018 Yasuwe: 1009 0