Umugore wa Mugabe yavuze ko umukobwa yakubitiye muri Afurika y’ Epfo yari agiye kumutera icyuma

Amakuru   Yanditswe na: Nsanzimana Ernest 11 September 2017 Yasuwe: 851

Grace Mugabe, umugore wa Perezida Robert Mugabe wa Zimbabwe yavuze ko umukobwa uvuga ko yamukubitiye muri hoteli mu gihugu cy’ Afurika y’ Epfo ari we wamubanje ashaka kumutera icyuma, hanyuma akirwanaho.

Tariki 17 Kanama uyu mwaka nibwo inkuru yabaye kimomo ko Grace Mugabe w’ imyaka 52 y’ amavuko yakubise umukobwa w’ Umunyamideli wo mu gihugu cy’ Afurika y’ Epfo akamukomeretsa.

Kuva icyo gihe kugeza ubu Grace Mugabe yari ataragira icyo abivugaho. Yavuze ko uyu mukobwa witwa Gabrilla Angels yashatse kumutera icyuma ubwo yari agiye gutabara abahungu be bari mukaga bitewe no kuba bari kumwe n’ umukobwa wasinze.

Angels yabwiye polisi n’ itangazamakuru ko Grace Mugabe yamukubitishije urutsinga ry’ amashyanyarazi.

Ifoto yafashwe icyo gihe yagaragazaga Angels afite igikomere mu gahanga no ku gice cy’ inyuma ku mutwe.

Perezida Robert Mugabe w’ imyaka 93 y’ amavuko yatangaje ko abo aha amahirwe yo kumusimbura ku butegetsi amazeho imyaka 37 ari umugore Grace Mugabe cyangwa Visi Perezida wa Zimbabwe.

Umuryango udaharanira inyuma witwa Afriforum, uri ku ruhande rwa Angels unyomoza ibivugwa na Grace Mugabe ukavuga ko Angels atigeze agerageza kurwanya Grace Mugabe.

Uti “Gabriella ntabwo yigeze arwanya Grace Mugabe mu buryo ubwo ari bwose” niko uyu muryango wabwiye ibiro ntaramakuru bw’ Abongereza Reuters.

Uyu muryango Afriforum kandi ntabwo wemeranya n’ ubudahangarwa bwahawe Grace Mugabe ubwo yari muri Afurika y’ Epfo. Uvuga ko nta budahangarwa yari akwiye guhabwa kuko yari muri icyo gihugu ku mpamvu zo kwivuza atari impamvu za politiki.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Magufuli yasabye iperereza ku rupfu rw’umunyeshuri warashwe mu...

Prezida wa Tanzaniya Pombe Magufuli yasabye inzego z’umutekano gukurikirana...
19 February 2018 Yasuwe: 1183 0

Trump yikomye FBI kubera umusore warashe abanyeshuri 17 bagapfa

Perezida wa Leta zunze ubumwe z’ Amerika yacyashye ibiro by’ Amerika...
18 February 2018 Yasuwe: 1482 0

Kenya: Al Shabab yahitanye abarimu batatu undi arakomereka

Abarimu batatu bishwe, uwa kane arakomereka mu majyaruguru ashyira...
16 February 2018 Yasuwe: 484 0

Umusore wishe abanyeshuri 17 yigeze kurwanira n’ umukunzi we ku...

None tariki 15 Gashyantare 2018, nibwo hamenyekanye ko umusore witwa...
15 February 2018 Yasuwe: 3235 1

Abanyekongo 200 000 bahungiye muri Uganda

Umuryango Mpuzamahanga uharanira uburenganzira bwa muntu HRW watangaje ko...
14 February 2018 Yasuwe: 726 0

Iperereza ryatangiye ku Banyaburayi babiri bapfiriye muri Hotel

Polisi ya Uganda yatangiye iperereza ku rupfu rw’abagabo babiri...
11 February 2018 Yasuwe: 2010 0