skol
startimes

Umukinnyi w’iteramakofe arashinjwa kwica umugabo we wari umuherwe ukomeye mu Busuwisi

Amakuru   Yanditswe na: Dusingizimana Remy 7 December 2020 Yasuwe: 5547

Umugore witwa Viviane Obenauf w’imyaka 34 yatawe muri yombi ashinjwa kwica umugabo we w’Umusuwisi witwa Thomas w’imyaka 61 usanzwe ari umuherwe kubera ishoramari ry’amahoteli.


Uyu mugore ufite inkomoko muri Brazil,usanzwe ari umukinnyi w’itemakofi ndetse wanakinnye imikino y’isi,arashinjwa gukubita uyu mugabo we bimuviramo urupfu.

Viviane Obenauf arashinjwa gukubitira uyu mugabo muri restaurant yitwa Des Alpes ahitwa Interlaken mu Busuwisi kuwa 19 Ukwakira uyu mwaka.

Uyu mugore yafunzwe muri iki cyumweru kugira ngo akorweho iperereza ryihariye cyane ko uyu mugabo yapimwe bagasanga yarakubiswe bikomeye bikamuviramo urupfu.

Aba bombi bashyingiranwe muri Mutarama uyu mwaka ariyo mpamvu abagenzacyaha bari kureba niba uyu mugore atariwe wamwiyiciye ngo atware imitungo.

Abantu bazi uyu mugore bemeza ko yahoraga avuga ko atagira isoni zo gukubita umuntu uwo ariwe wese igihe amurakaje.

Ikinyamakuru Blick cyo mu Busuwisi cyatangaje ko uyu mugore yigeze gukubitira umugabo mu mujyi wa London ubwo yari amukoze ku kibuno ari mu birori byo kwizihiza isabukuru y’imyaka 30.

Ibi ngo byatumye uyu mugore amara amasaha menshi muri Gereza akurikiranyweho iki cyaha muri 2016.

Obenauf yavukiye mu mujyi wa Rio de Janiero muri Brazil,akura akina umupira w’amaguru ariko nyuma yaje guhindura ajya muri Gymnastic hanyuma ku myaka 18 yagiye muri Boxing.

Yaje kwinjira mu byo gutoza abantu muri Gym zitandukanye hanyuma mu minsi ishize afungura iye bwite.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 5910 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5831 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4413 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3546 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7528 0

RDC: Leta yigaruriye agace kari mu maboko y’inyeshyamba za ADF

Leta ya Repubulika ya Demokarasi ya Kongo iravuga ko abantu 14 bakekwaho...
2 January 2021 Yasuwe: 3591 0