Polisi ya Uganda ikorera mu mujyi wa Kampala yataye muri yombi umumotari w’ imyaka 29 ukekwaho gufata ku ngufu umugenzi yari atwaye kuri moto.

Sponsored Ad

Uyu mukobwa w’ Umudage uvuga ko uyu mumotari yamufashe ku ngufu afite imyaka 19, avuga ko byabaye ubwo yategaga uyu mumotari ngo amukure ku kabari (bar) ahitwa Kololo amujyane aho atuye i Buziga. Ngo bageze mu nzira uyu mumotari afata indi ndira.

Inzira yafashe yaganaga mu gihuru ahitwa Kawanda, Kawempe aha ngo niho yageze yishimiriza kuri uwo muzungukazi anamwiba amadorali y’ Amerika 1200. Uyu mukobwa yafashe purake ya moto uwo mutari atwara UDR 472B niyo polisi yakoresheje kugira ngo imenye uwo mu motari.

Uyu mumotari yabwiye polisi ko yahoranaga inzozi n’ ubushake bwo kuzaryamana n’ umuzungukazi akavuga ko ari amahirwe Imana yari imuhaye.

Uyu mumotari yarafashwe ubu afungiye kuri sitasiyo ya Kawempe akurikiranyweho icyaha cyo gushimuta, kwiba, no gufata ku ngufu uyu Mudagekazi.

Uyu muzungukazi arimo gukurikiranwa n’ abaganga bamuha ubuvuzi buzwi nka Post-Exposure Prophylaxis (PEP) kugira yongererwe amahirwe yo kutandura agakoko gatera SIDA n’ ubundi bufasha.