Umurwayi yiyahuye kubera kubwirwa ko abuza amahirwe umuryango we

Amakuru   Yanditswe na: Nsanzimana Ernest 9 May 2017 Yasuwe: 2867

Umugabo witwa Patrick Odongo wari utuye mu karere ka Oyam mu gihugu cya Uganda bamusanze yimanitse mu mugozi kuri uyu 8 Gicurasi 2017, nyuma yo kubwira umugore we ko umuryango umushinja kuwutera umwaku. Uyu mugabo yari amaze imyaka myinshi arwaye indwara y’ igicuri.

Umupolisi witwa Robert Okello yavuze ko uyu mugabo yagiye ku gasanteri kari hafi y’ urugo rwe akagura ikiziriko, yakigeza mu rugo akabwira umugore we Scovia Odongo ko icyo kiziriko kibereye gukoreshwa mu kwiyahura.

Nyamugabo ngo yabwiye umugore we ko azihahura kubera ko abavandimwe be bamutoteza bamubwira ko ariwe ubatera umwaku bagahorana ubukene.

Scovia Odongo yagerageje guhendahenda umugabo we amwumvisha agaciro afitiye umuryango we n’ urugo rwe,umugabo asa n’ ucururutse ibyo kwiyahura abivamo. Ngo bikimara kugenda gutya uyu mugabo yagiye agura inzoga aranywa aruzuza ataha yanezerewe abwira umugore ko yumva yishimye cyane birenze.

Uwo mugabo yageze mu rugo saa ine z’ ijoro ahita ajya kuryama, mu gihe umugore yari yishimiye ko umugabo yahinduye imitekerereze yumva umugabo atakiyahuye, byageze mu gicuku arebye umugabo we aramubura.

Amaze kumubura ahuruza abaturanyi, bahageze basanga Nyamugabo yimanitse mu giti kiri hafi y’ urugo rwe arimo guhumeka akuka ka nyuma.

Umugore yafatanyije n’ abaturanyi bamukura muri uwo mugozi ariko bakimugeza hasi ahita ashyiramo umwuka.

Dail monitor dukesha iyi nkuru ivuga ko nyakwigendera yasize umugore n’ abana bane.

Polisi ya Uganda yanenze umugore n’ abavandimwe b’ uyu mugabo. Afande Okello yagize ati “Nagaya abavandimwe ba nyakwigendera by’ umwihariko nkagaya umugore we kuba atarabimenyesheje polisi hakirikare kandi nyakwigendera yari yamubwiye ko ashaka kwiyahura”

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble mico pas

    hhhhhh,ngahoda!!!uwiyishe ntaritirwa

    May 2017

Inzindi nkuru

Magufuli yasabye iperereza ku rupfu rw’umunyeshuri warashwe mu...

Prezida wa Tanzaniya Pombe Magufuli yasabye inzego z’umutekano gukurikirana...
19 February 2018 Yasuwe: 1114 0

Trump yikomye FBI kubera umusore warashe abanyeshuri 17 bagapfa

Perezida wa Leta zunze ubumwe z’ Amerika yacyashye ibiro by’ Amerika...
18 February 2018 Yasuwe: 1463 0

Kenya: Al Shabab yahitanye abarimu batatu undi arakomereka

Abarimu batatu bishwe, uwa kane arakomereka mu majyaruguru ashyira...
16 February 2018 Yasuwe: 478 0

Umusore wishe abanyeshuri 17 yigeze kurwanira n’ umukunzi we ku...

None tariki 15 Gashyantare 2018, nibwo hamenyekanye ko umusore witwa...
15 February 2018 Yasuwe: 3221 1

Abanyekongo 200 000 bahungiye muri Uganda

Umuryango Mpuzamahanga uharanira uburenganzira bwa muntu HRW watangaje ko...
14 February 2018 Yasuwe: 726 0

Iperereza ryatangiye ku Banyaburayi babiri bapfiriye muri Hotel

Polisi ya Uganda yatangiye iperereza ku rupfu rw’abagabo babiri...
11 February 2018 Yasuwe: 2008 0