Umwana wenyine niwe warokotse impanuka y’ indege muri Indonesia

Amakuru   Yanditswe na: Nsanzimana Ernest 12 August 2018 Yasuwe: 2757

Umwana w’umuhungu w’imyaka 12 y’amavuko ni we wenyine wasanzwe ari muzima mu bisigazwa by’indege yakoze impanuka igahitana abantu 8 muri Indonesia.

Amafoto y’aho ibi byabereye agaragaza uyu mwana afite ubwenge ndetse areba no mu cyuma cya kamera gifata amajwi n’amafoto.

Mu gitondo cyo kuri iki Cyumweru, yasanzwe mu bisigazwa by’iyi ndege mu gace k’imisozi kari ku mupaka w’iki gihugu n’igihugu gituranyi cya Papua New Guinea.

Iyi ndege yo mu bwoko bwa Pilatus yakorewe mu Busuwisi ya kompanyi Dimonim Air uyu mwana yari arimo, ku wa gatandatu nyuma ya saa sita ni bwo abapilote bayo bananiwe gukomeza gutumanaho n’ababayobora, mbere gato yuko ishobora kugwa ku kibuga cy’indege cya Oksibil.

Yari irimo abagenzi 9, ubariyemo n’abapilote babiri bari bayitwaye. Nkuko byatangajwe n’ibiro ntaramakuru AFP, abaturage baturiye ahabereye iyi mpanuka bavuze ko bumvise "ikintu gihuma cyakurikiwe n’ikintu giturika.".

Abategetsi bavuze ko hazakorwa iperereza ku cyateye iyi mpanuka.
Indege ni bumwe mu buryo bucye bwo kugera mu ntara ya Papua - akarere kari iyo bigwa kandi kiganjemo imisozi kagoye cyane kukagendamo.
Ariko uguhindagurika kw’ikirere cyako kwa hato na hato, gusobanuye ko bitoroshye kukagendamo mu ndege.

Mu myaka itatu ishize, indege ya kompanyi Trigana Air yakoreye impanuka hafi y’ikibuga cy’indege cya Oksibil ihitana abantu 54 bose bari bayirimo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

ONU yashyize hanze imigambi ya Kayumba Nyamwasa n’u Burundi k’u...

Raporo y’inzobere z’umuryango w’abibumbye zikorera muri Repubulika iharanira...
3 January 2019 Yasuwe: 7996 0

Umugabo wabatirizwaga mu ruzi mu mujyi wa Accra yaburiwe irengero

Mu gihugu cya Ghana, umugabo w’ imyaka 20 wabatirizaga mu ruzi rwa Densi mu...
14 December 2018 Yasuwe: 1773 0

Umunyamakuru Jamal Khashoggi uherutse kwicwa, yashyizwe mu dashyikirwa...

Umunyamakuru Jamal Khashoggi wo muri Arabie Saoudite, uherutse kwicirwa...
12 December 2018 Yasuwe: 687 0

Aya niyo magambo ya nyuma umunyamakuru Khashoggi yavuze ataraca

Umunyamakuru Jamal Khashoggi uherutse kwicirwa muri ambasade ya Arabia...
10 December 2018 Yasuwe: 3759 1

Abantu 17 biciwe mu bitero bibiri mu Burasirazuba bwa Kongo

Ibiro Ntaramakuru by’ Abafaransa AFP byatangaje ko nibura abantu 17 biciwe...
8 December 2018 Yasuwe: 691 0

Umupolisi ukomeye mu Burundi yatawe muri yombi nyuma yo kurasa umugore...

Majoro Nduwimana Prime arashinjwa kwica umugore we amurashishije imbunda...
5 December 2018 Yasuwe: 2910 1