skol
startimes

Umwarimu w’amateka yaciwe umutwe azira kwerekana igishushanyo cya Mohammad

Amakuru   Yanditswe na: Dusingizimana Remy 17 October 2020 Yasuwe: 4556

Umwarimu w’amateka wo mu gihugu cy’Ubufaransa yaciwe umutwe azira kwerekana igishushanyo kibi cya Mohammad ariko uwamwishe nawe yahise araswa na Polisi yageragezaga kumufunga akanga.


Abashinjacyaha barwanya iterabwoba bavuze ko bari gukora iperereza kuri iki cyaha cyabaye ku munsi w’ejo ku gicamunsi kigahitana uyu mwarimu hafi y’ikigo cyitwa Conflans Saint-Honorine mu burengerazuba bwa Paris.

Uyu mwarimu yishwe n’umuntu wasakuzaga cyane ati ‘Allahu Akbar” nyuma yo kwigisha abanyeshuri ibijyanye no gushushanya intumwa y’Imana Mohammad.

Abashinjacyaha bavuze ko iki cyaha ari “ubwicanye bugendanye n’iterabwoba” ndetse ngo uyu mwicanyi afitanye isano n’itsinda ry’ibyihebe.

Uyu mwicanyi kandi yakomerekeje bikomeye abakozi ba TV imwe ikorera hafi y’ikinyamakuru Charlie Hebdo nacyo cyatewe n’intagondwa mu myaka ishize abanyamakuru bacyo benshi bagapfa bazira amashusho ya Cartoon ya Mohammad.

Muri Mutarama 2015 nibwo ibyihebe byateye Charlie Hebdo byica abakozi b’iki kinyamakuru ndetse bitera n’isoko ry’Abayahudi binica n’umupolisi.

Abantu 17 baguye muri ibi bitero 2 byamaze iminsi 3 ndetse byakozwe n’agatsiko k’intagondwa z’abayisilamu.

Kuri uyu wa Gatanu polisi yahamagawe kuri iki kigo cy’amashuri ko hari umuntu ushobora kuba yishwe.Yarahageze isanga n’uyu mwarimu wishwe ndetse ibona ukekwa afashe icyuma ndetse abakanga ababwira ko abica nibamwegera niko kumurasa arakomereka cyane ariko nyuma aza gupfa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Koreya ya Ruguru yamuritse misile zidasanzwe zirasirwa hasi mu...

Koreya ya Ruguru yamuritse ubwoko bushya bwa misile ziraswa kure zivuye...
15 January 2021 Yasuwe: 4108 0

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 6024 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5919 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4451 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3549 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7545 0