skol
startimes

UN yabuze uko igera muri Ethiopia gutabara abaturage bamerewe nabi kubera intambara

Amakuru   Yanditswe na: Dusingizimana Remy 5 December 2020 Yasuwe: 4068

Imirwano ikomeje mu bice byinshi byo muri leta ya Tigray mu majyaruguru ya Ethiopia yatumye ibikobwa byo gutanga imfashanyo bidashoboka, nkuko umuryango w’abibumbye (ONU/UN) ubivuga.


Bivugwa ko abantu babarirwa muri za miliyoni bo muri Tigray barimo gushiranwa n’ibiribwa n’imiti.

Abategetsi bo muri ONU babwiye ibiro ntaramakuru AFP ko kugeza kuri uyu wa gatanu bidashoboka kugeza imfashanyo muri Tigray, nubwo habayeho amasezerano yemerera ONU gutanga imfashanyo "itabangamiwe" mu turere tugenzurwa na leta ya Ethiopia.

Mu mpera y’icyumweru gishize, ingabo za Ethiopia zinjiye mu murwa mukuru Mekelle wa Tigray, Minisitiri w’intebe Abiy Ahmed avuga ko imirwano yari imaze ukwezi hagati yazo n’iz’ishyaka Tigray People’s Liberation Front (TPLF) irangiye.

Amakuru avuga ko abantu babarirwa mu magana biciwe muri iyo mirwano. Ababarirwa mu bihumbi za mirongo bataye ingo zabo, harimo n’abahungiye muri Sudan baturanye.

Ku wa kane, BBC yashoboye kuvugana n’abantu bari i Mekelle bavuze ko "imirwano ikomeje kuba mu bice biri hafi y’umujyi". TPLF yavuze ko ikomeje kurwana.

Zadig Abraha, Minisitiri wa Ethiopia ushinzwe ibikorwa bya demokarasi, yahakanye ibyo bivugwa na TPLF, avuga ko "nta ntambara ihari".

Saviano Abreu, umuvugizi w’ishami rya ONU rihuza ibikorwa by’imfashanyo (OCHA), yabwiye ibiro ntaramakuru AFP ati:

"Dufite amakuru yuko imirwano ikomeje mu bice byinshi bya Tigray. Ibi biraduhangayikishije kandi ni ikibazo cy’urusobe kuri twe".

Ku wa gatatu, ONU yatangaje ko yagiranye amasezerano na leta ya Ethiopia yo gutanga imfashanyo mu bice igenzura byo muri Tigray.

Ariko kugeza kuri uyu wa gatanu, haracyakorwa amagenzura ajyanye n’umutekano, ndetse abategetsi batatu bo muri ONU babwiye AFP ko bititezwe ko imfashanyo igera muri Tigray mbere yo mu cyumweru gitaha.

Bwana Abreu yagize ati: "Twahawe uburenganzira bwo kuhagera, muri aya masezerano na leta [ya Ethiopia]".

"Ariko tugomba no kugirana amasezerano nk’aya n’impande zose ziri mu mirwano kugira ngo twizere neza ko mu by’ukuri twemerewe kugera muri Tigray".

Haravugwa iki mu nkambi?

Mu bacyeneye imfashanyo yihutirwa harimo n’impunzi zigera ku 96000 zahungiye muri Tigray zivuye muri Eritrea baturanye zihunga gutotezwa muri politike ndetse no guhatirwa kujya mu gisirikare ku itegeko, zimaze igihe ziba mu nkambi muri iyo leta.

Bivugwa ko izo nkambi zazo muri Tigray zirimo gushiranwa n’ibiribwa. Muri izo nkambi haravugwamo n’amakuru ataremezwa yuko hari kugabwa ibitero ndetse bamwe bagashimutwa.

Ann Encontre, ukuriye ishami rya ONU ryita ku mpunzi (HCR) muri Ethiopia, yavuze ko HCR irimo kugerageza byihutirwa kubonera impunzi ibiribwa, imiti n’ibindi zicyeneye, ndetse ikagenzura amakuru "mabi cyane" ajyanye n’umutekano w’inkambi.

Yabwiye AFP ati: "Twumvise ibijyanye n’impfu z’impunzi, twumvise ko bamwe barimo guhatirwa kujya mu gisirikare. Twumvise ko hari abashimuswe".

Ihagarikwa ry’itumanaho kuva imirwano yatangira, ryatumye bigorana kugenzura amakuru nk’ayo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 5916 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5831 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4414 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3547 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7528 0

RDC: Leta yigaruriye agace kari mu maboko y’inyeshyamba za ADF

Leta ya Repubulika ya Demokarasi ya Kongo iravuga ko abantu 14 bakekwaho...
2 January 2021 Yasuwe: 3591 0