skol
startimes

USA: FBI yahungishije Guverineri wari hafi gushimutwa n’abagizi ba nabi

Amakuru   Yanditswe na: Dusingizimana Remy 10 October 2020 Yasuwe: 4725

Guverineri w’intara ya Michigan muri Leta Zunze Ubumwe za Amerika yahawe amakuru ko hari agatsiko k’abagizi ba nabi gashaka kumushimuta ahita ahungishirizwa ahantu hatekanye mu gihe FBI irimo guhiga abashaka kumushimuta, nk’uko bitangazwa n’umucamanza mukuru w’iyo ntara.


Ku wa kane, ikigo FBI gishinzwe iperereza ryo hagati mu gihugu cyatangaje ko cyatesheje icyo gitero kivugwa ko cyagombaga gukorwa n’agatsiko k’abagizi ba nabi kashakaga "kwihanira" GuverineriGretchen Whitmer kamushinja ko yahemutse.

Abagera kuri 13 nibo bakurikiranweho ibi byaha.

Ingingo zikomeye zafashwe mu kurwanya coronavirus muri Michigan nizo zatumye Guverineri Whitmer ahigwa n’abantu batitaye kubya Covid-19.

Ejo k uwa Gatanu, umucamanza mukuru, Dana Nessel, yabwiye TV yitwa CBS ati: "Rimwe na rimwe, we n’umuryango we bagiye bahungishwa kubera ibikorwa by’ubugizi bwa nabi".

MAdamu Nessel avuga ko uyu Guverineri akomoka mu ishyaka ry’abaharanira Demokarasi yabwiwe ibijyanye n’iperereza muri aya mezi ya vuba.

Avuga ko abakekwa ko bashaka gukora ayo mahano bari bageze ku ntambwe ya nyuma yo gushyira mu bikorwa umugambi wabo mubisha,ariko igipolisi "gikumira iki cyaha mbere y’uko aba bagizi ba nabi bica abantu.”

Ni ibiki abo bagizi ba nabi barimo gutegura?

Nk’uko icyegeranyo cya FBI cyashyizwe hanze ku wa kane kibivuga, umuntu wiyoberanyije yitabye inama mu kwa gatandatu mu ntara ya Ohio, aho abagize aka gatsiko k’abagizi ba nabi gafite icyicaro i Michigan baganira ku mugambi wo gusenya ubutegetsi bw’abaguverineri b’intara "aka gatsiko kavuga ko barimo barica itegekonshinga rya Amerika".

Abashinzwe iperereza bavuga ko abo bantu bakoreye inama yabo mu nzu yo munsi igerwamo uciye mu gikari gisanzwe gipfutswe n’igitambara hasi.

Abantu batandatu - batanu bava Michigan n’umwe ava muri Delaware - barimo baraburanishwa mu rukiko rw’igihugu ku cyaha cyo gutegura uwo mugambi ugayitse.

Aba bantu batandatu ni Adam Fox, Barry Croft, Kaleb Franks, Daniel Harris, Brandon Casert hamwe na Ty Garbin.

Abandi barindwi barashinjwa iterabwoba n’ibyaha bikorwa n’amatsinda y’inkozi z’ibibi mu rukiko rw’intara,muri uru rubanza rwo gushimuta uyu mukuru w’intara.

Aba bazwi ku mazina ya Paul Bellar, Shawn Fix, Eric Molitor, Michael Null, William Null, Pete Musico na Joseph Morrison.

Iyi kipe yateguraga kwegeranya "abagabo bagera kuri 200" kugira ngo bakore igitero ku biro by’intara bahite bashimuta abategetsi, harimo na Guverineri.

Bifuzaga gushyira mu ngiro uyu mugambi mbere y’amatora ateganijwe mu ntangiriro z’Ugushyingo. Ibyo byanze, bateguraga uko bahita batera uyu Guverineri mu rugo rwe, nk’uko abategetsi babivuga.

Guverineri yavuze iki?

Mu kiganiro n’abanyamakuru ku wa kane, uyu bGuverineri yavuze ko uyu mugambi mubisha wari wamuteguriwe,wavuye ku magambo avugwa na Perezida Donald Trump, "abiba urwango n’uburakari, agatera inkunga abakwirakwiza iterabwoba, inzigo n’amacakubiri".

Nk’uko amakuru aturuka ku mbuga nkoranyambaga abivuga kandi bigasubirwamo n’ibinyamakuru bya Amerika, bamwe mu bashinjwa gutegura uyu mugambi bashyigikiye Perezida Trump, n’ubwo umwe mu bagize ako gatsiko yamwise "sekibi", yongeraho ati "umuntu uwo ari we wese ukorera ubutegetsi ni umwanzi wawe".

Mu kwa kane, PerezidaTrump yashyigikiye imyigaragambyo yo kwamagana ingamba za guma mu rugo, aho yanditse kuri Twitter ati "BOHORA MICHIGAN". Hashize ukwezi, abari muri iyo myigaragambyo bitwaje imbunda batera ibiro by’iyo ntara.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Koreya ya Ruguru yamuritse misile zidasanzwe zirasirwa hasi mu...

Koreya ya Ruguru yamuritse ubwoko bushya bwa misile ziraswa kure zivuye...
15 January 2021 Yasuwe: 4099 0

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 6014 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5908 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4449 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3549 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7544 0