Zambia yafunze Abashinwa batatu kubera amahembe y’ inkura

Amakuru   Yanditswe na: Nsanzimana Ernest 31 July 2017 Yasuwe: 889

Inzego zishinzwe umutekano mu gihugu cya Zambia zataye muri yombi Abashinwa batatu n’ Abanyazambia 2 bafatanywe amahembe y’ inkura.

Kuri iki cyumweru tariki 30 Nyakanga nibwo aba uko ari batanu batawe muri yombi nk’ uko byatangajwe n’ umuvugizi wa Minisitiri w’ amashyamba n’ inyamaswa muri iki gihugu witwa Sakabilo Kalembwe.

Aba batanu bafatiwe mu mashyamba kari hafi y’ umupaka wa Zambia na Mozambique. Bari bafite amahembe 25 y’ inkura ahanye n’ ikilo 32 cy’ amahembe y’ inkura.

Minisiteri ishinzwe inyamaswa yatangaje ko itazi aho ibi biro 32 byavuye kuko nta nkura iheruka kwicirwa muri Zambia.

Ku wa Kabiri w’ icyumweru gishize undi Mushinwakazi yafatiwe ku kibuga cy’ indege I Johannesburg muri Afurika y’ epfo afite ibilo bigera kuri 20 by’ amahembe y’ inkura. Uyu mukobwa w’ imyaka 24 yari avuye I Lusaka muri Zambia yerekeza mu gihugu cya Hong Kong.

Mu myaka 40 ishize Zambia yari ifite inkura 12 000 magingo aya muri Zambia habarurwa inkura 1988, izindi zagiye zizimira kubera ubushimusi.

Amahembe y’ inkura agizwe n’ ibyo bita kératine iboneka mu nzara za muntu. Mu bihugu byo muri Aziya birimo n’ u Bushinwa amahembe y’ inkura afite agaciro kihagazeho. Muri ibi bihugu ikilo cy’ amahembe y’ inkura kigura ibihumbi 60 y’ amadolari y’ Amerika ni ukuvuga miliyoni 49 n’ ibihumbi 800 mu mafaranga y’ u Rwanda.

Mu mwaka wa 1977 nibwo ubucuruzi bw’ amahembe y’ inkura bwahagaritswe gusa ntibyashyize iherezo mu iyicwa ry’ izi nyamaswa.

Muri Gicurasi uyu mwaka nibwo inkura 10 zagaruwe mu Rwanda nyuma y’ imyaka 10 yari ishize izi nyamaswa zitaharangwa. Izi nkura 10 zavuye mu magepfo y’ Afurika.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kugera aho Gen. Kayihura afungiye ntibyoroshye

Abasirikare bashyizeho amabwiriza agoye ushaka kugera aho Gen. Kale...
21 June 2018 Yasuwe: 4656 1

Uganda: Abadepite bashyigikiye ko Museveni aguma ku butegetsi bahawe...

Abadepite bo mu ishyaka riri kubugetsi muri Uganda NRM bashyigikiye ko...
21 June 2018 Yasuwe: 3072 1

Nyuma ya Gen. Kayihura abasirikare n’ abapolisi bakomeye barimo gufungwa...

Abantu 26 barimo abapolisi n’ abasirikare bamaze gutabwa muri yombi mu...
17 June 2018 Yasuwe: 5837 0

Umukwe wa Mugabe yatawe muri yombi nyuma yo gufungira mu biro umugore utari...

Umukwe wa Robert Mugabe wahoze ari Perezida wa Zimbabwe yatawe muri yombi...
9 June 2018 Yasuwe: 4035 0

Kenya: Ya ndege yaburiwe irengero yahitanye abari bayirimo bose

Umuyobozi wa kampani intwara abagenzi mu ndege FlySax yatangaje ko abagenzi...
7 June 2018 Yasuwe: 3783 0

Umwana wari wibwe yasubijwe Se na Nyina ameze neza

Ababyeyi b’ umwana witwa Chelsea Tazenya bazazwe n’ ibyishimo ubwo bongeraga...
28 May 2018 Yasuwe: 5471 0