Abacamanza b’Abafaransa bahagaritse burundu iperereza ku ihanurwa ry’indege ya Habyarimana

Amakuru   Yanditswe na: Dusingizimana Remy 25 December 2018 Yasuwe: 903

Abacamanza b’Abafaransa Jean Marc Herbaut na Nathalie Poux bari bamaze imyaka myinshi bakora iperereza ku ihanurwa ry’indege ya perezida Habyarimana ryo ku wa 6 Mata 1994,barihagaritse nyuma yo kubura ibimenyetso.

Aba bacamanza 2 bamaze igihe bashakisha ibimenyetso ku ihanurwa ry’iyi ndege yari itwaye uwahoze ari perezida w’u Rwanda Juvenal na Cyprien Ntaryamira wari perezida w’u u Burundi,ariko barihagaritse kubera kubura ibimenyetso.

Iri perereza ku ihanurwa ry’indege ya perezida Habyarimana ryahagaritswe burundu n’aba bacamanza nyuma y’imyaka isaga 20 hashakishwa ibimenyetso simusiga by’uwayihanuye ariko bikabura.

Kuva muri 2004 abacamanza b’Abafaransa bagiye bakora uko bashoboye bakagereka ihanurwa ry’indege ya Habyarimana ku buyobozi bw’ingabo zari iza RPA zabohoye igihugu zikanahagarika Jenoside yakorewe Abatutsi, Bizana agatotsi ku mubano w’ibihugu byombi.

Ikinyamakuru Jeune Afrique cyatangaje ko uyu mwanzuro wo guhagarika iperereza ku ihanurwa ry’indege ya Habyarimana Juvenalwafashwe ku wa 21 Ukuboza uyu mwaka.

Dr Richard Sezibera, Minisitiri w’ububanyi n’amahanga akaba n’umuvugizi wa Guverinoma yavuze ko Leta y’u Rwanda yishimiye iki cyemezo kuko iri perereza ryabangamiraga ubutabera ku bijyanye na Jenoside yakorewe Abatutsi muri Mata 1994.

Yagize ati “Twakiriye neza iki cyemezo gishyize ku iherezo kubangamira itangwa ry’ubutabera buboneye ku cyaha cya Jenoside yakorewe Abatutsi, no gutuma abayigizemo uruhare n’abo bafatanyije bataryozwa ibyo bakoze.”

Muri Nzeri 2010, nibwo abacamanza babiri Nathalie Poux na Marc Trevedic baje mu Rwanda mu iperereza ku ihanurwa ry’iyi ndege, bagira n’umwanya wo kumva ubuhamya bw’abantu batandukanye yaba abari mu Rwanda no mu Burundi, nyuma banzura ko iyi ndege yahanuwe n’agatsiko k’intagondwa z’Abahutu zitakozwaga iby’isaraganya ry’ubutegetsi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Rugabo

    Abafaransa barihagaritse ariko abanyarwanda ntabwo twarihagaritse kuko mbere yuko hapfiramo abafaransa hapfiriyemo abanyarwanda barimo na perezida wa Repubulika.Icyo ntaho kizigera kigana imbaga yabanyarwanda iratikira ibyo ntaho bizigera bijya na busa.

    2 months ago

Inzindi nkuru

Rwamagana:Umusore w’imyaka 24 yishe mama we umubyara

Umusore w’imyaka 24 yatawe muri yombi n’inzego z’Ubugenzacyaha nyuma yo kwica...
20 March 2019 Yasuwe: 2685 0

Wa munyarwanda umwe waguye mu mpanuka y’indege ya Ethiopian Airlines...

Nyakwigendera Musoni Jackson yakoreraga ishami ry’umuryango w’Abibumbye...
20 March 2019 Yasuwe: 4992 0

Perezida Museveni ari ku mwanya wa 5 mu bakuru b’ibihugu bya Afurika...

Umukuru w’igihugu cya Uganda Yoweri Kaguta Museveni, ari ku mwanya wa gatanu...
20 March 2019 Yasuwe: 2632 0

Kajugujugu ya RDF yakoreye impanuka muri Sudani y’Epfo

Indege y’igisirikare cy’u Rwanda RDF, yakoreye impanuka muri Sudani...
19 March 2019 Yasuwe: 5583 0

Perezida Museveni yandikiye ibaruwa irambuye Paul Kagame amubwira ibyo...

Perezida wa Uganda, Yoweli Kaguta Museni yandikiye ibaruwa ndende mugenzi...
19 March 2019 Yasuwe: 8423 1

Nyagatare:Umusore yatawe muri yombi nyuma yo gufatanwa imirambo 4...

Umusore uri mu kigero cy’imyaka 30 utuye mu kagari ka Nyakigando, Umurenge...
19 March 2019 Yasuwe: 4723 0