Abagororwa batatu barashwe barapfa ubwo bageragezaga gutoroka gereza ya Mageragere

Amakuru   Yanditswe na: Dusingizimana Remy 13 September 2019 Yasuwe: 4927

Ku gicamunsi cyo kuri uyu wa Gatanu,taliki ya 13 Nzeri 2019, abagororwa 3 bari bafungiwe i Mageragere barasiwe hanze yayo barapfa ubwo bari bashatse gutoroka,abarinzi babahagarika bakanga ahubwo bakagerageza kwiruka.

Mu masaha ya nyuma ya saa sita zo kuri uyu wa Gatanu izi mfungwa n’abagororwa bari baje gusurwa bagerageje gucika,abacungagereza barasa hejuru kugira ngo babakange,ariko banga gusubira inyuma bakomeza bacika bituma batatu baraswa.

Uyu muturage wabonye aba bagororwa baraswa yabwiye Umuseke ko yiboneye umugororwa umwe wishwe n’amasasu ariko ngo birashoboka ko hari abandi bapfuye.

Yagize ati “Bimaze kuba haje inzego z’umutekano harimo ingabo, polisi n’urwego rw’igihugu ry’ubugenzacyaha, RIB”

Umuvugizi w’urwego rw’igihugu rushinzwe imfungwa n’abagororwa, SSP Hillary Sengabo yatangaje ko abagororwa batatu bagerageje gutoroka abacungagereza bakarasa mu kirere ngo bagaruke ariko bakinangira bagahita babarasa bagapfa.

Abo bagororwa ni Nzeyimana Djibril (wari ufunzwe iminsi 30 y’agateganyo wakekwagaho ubujura), hakaba uwitwa Wagura Sam ( wari ufunzwe kubera gukoresha ibiyobyabwenge) na Joseph Kabuye washinjwaga kurigisa umutungo.

Sengabo yahumurije abaturiye iyi gereza,ababwira ko nubwo aba bagororwa barasiwe hanze ya gereza,umutuzo wagarutse n’amasasu yashize.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Akarere ka Gatsibo karishye ihene z’abaturage 22 ziherutse kwicwa n’urukingo...

Akarere ka Gatsibo kakoze igikorwa cyiza cyo gushumbusha abaturage ba...
18 September 2019 Yasuwe: 453 0

Isoko rya Mimuli ryasenywe n’imvura nyinshi idasanzwe

Isoko rya Mimuli riherereye mu karere ka Nyagatare, Umurenge wa Mimuli,...
18 September 2019 Yasuwe: 921 0

Rusizi: Umwarimu yakubise umunyeshuli amuvuna ukuboko amuziza gutsindwa...

Umunyeshuli witwa Kwizera Patrick wigaga mu mwaka wa mbere w’amashuri...
18 September 2019 Yasuwe: 1562 0

RAB yabuze ibisobanuro imbere ya PAC ku isoko yatubuye rikava kuri...

Abadepite bagize Komisiyo Ishinzwe Kugenzura Imikoreshereze y’Imari...
17 September 2019 Yasuwe: 1528 3

Urubanza rwa wa muyobozi wa Goodrich TV uherutse gukubita umukobwa...

Urukiko rw’ibanze rwa Nyamirambo rwasubitse gusoma urubanza ku ifunga...
17 September 2019 Yasuwe: 3163 0

Umuyobozi wa Cholare Abarinzi uherutse gupfira mu mpanuka yashyinguwe

Uwari muyobozi wa Korali Abarinzi ya ADEPR Gasave, Mushimiyimana...
17 September 2019 Yasuwe: 4493 0