startimes

Abakozi 2 ba Banki ya Kigali barashinja icyuma cya ATM kunyereza akayabo k’amafaranga y’u Rwanda Miliyoni 144

Amakuru   Yanditswe na: Martin Munezero 13 November 2019 Yasuwe: 7188

Abakozi babiri ba Banki ya Kigali ishami rya Kacyiru bafunzwe bakurikiranyweho guteza iyi banki igihombo cy’amafaranga arenga miliyoni 144 yaburiye muri ATM ariko bo bakabihakana bavuga ko ari amakosa yakozwe na ATM.



Aba bakozi ba Banki bakurikiranyweho guteza iki gihombo ni umubyeyi w’abana bane Mukasine Jeanine na Nsengiyumva Jean de Dieu. Aba bakaba baratawe muri yombi tariki 12 Ukwakira bakekwaho kuba baribye aya mafaranga muri ATM iri kuri Kigali Heights.

Kigali Heights ni inyubako igezweho y’ubucuruzi iri iruhande kuri Radisson Blu Hotel na Kigali International Conference Center. Banki ya Kigali ni Banki ifite abakiriye benshi mu Rwanda ndetse iherutse gushyirwa muri Banki 100 za mbere muri Afurika.

Nkuko Mukasine na Nsengiyumva babitangarije itangazamakuru mu buryo bw’ibanga, bavuze ko nta mafaranga yibwe muri ATM ahubwo ko iyi mashini yakoze amakosa mu gutanga amafaranga biturutse mu buryo bwayo mu guha abakiriye amafaranga babikuza.

Tariki 11 Ukwakira ni bwo aba bombi bafashwe na RIB batangira guhatwa ibibazo ku bijyanye n’aya mafaranga kuko nibo bari bashinzwe kumenya uburyo iyi ATM ikora, nyuma barongera barafatwa bafungirwa kuri Sitasiyo ya Polisi iri Kicukiro.

Mukasine ni we wari umuyobozi w’ishami rya BK iri kuri Kigali Heights afite umubare w’ibanga wo gukoresha ATM, mu gihe Nsengiyumva ari we wabikaga imfunguzo zafunguraga ATM , bose ni bo bari bashinzwe kugenzura imikorere yiyi ATM no kumenya ko harimo amafaranga ku buryo abakiriya bajya kubikuza bakayabona.

Ku wa 24 Ukwakira ni bwo aba bombi bitabye urukiko rw’ibanze rwa Kicukiro , gusa umunyamategeko wa BK nta bimenyetso bifatika yari afite bibashinja, urugero nk’amashusho ya CCTV ya ATM. Ku wa 30 Ukwakira ni bwo urukiko rwategetse ko bafungwa iminsi 30 kugirango batabangamira iperereza.

Urukiko rwavuze ko rufite ibimenyetso ko Mukasine na Nsenhiyumva, mbere y’uko bafatwa ngo binjiye muri ATM kuri Kigali Heights ATM bashyiramo miliyoni 20.

Tariki 11 Ukwakira ubwo bakorwagaho iperereza na RIB, bavuze ko amafaranga yose yari muri ATM uretse agera kuri Rwf 7,390,000 yari yabikujwe gusa ntibagaragaje aho andi arenga miliyoni 12 yarengeye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble umurezi

    itangwa ryakazi mutanga mukoresheje ikimenyane nibi bizajya bizana nyine

    November 2019

Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1721 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1578 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1747 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 946 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1575 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3539 1