Abaminisitiri batatu b’u Rwanda berekeje ku mipaka y’u Rwanda na RDC mu bugenzuzi bugamije gukumira Ebola

Amakuru   Yanditswe na: Dusingizimana Remy 5 August 2019 Yasuwe: 2955

Abaminisitiri 3 b’ u Rwanda barimo uw’Ubuzima, Dr Diane Gashumba, uw’Ubutegetsi bw’Igihugu Prof. Shyaka Anastase n’uw’ibikorwa by’ubutabazi Germaine Kamayirese bazindukiye mu karere ka Rubavu mu gikorwa cy’ubugenzuzi bwo kureba uko gahunda yo gukumira Ebola ihagaze.

Aba baminisitiri basuye imipaka ihuza u Rwanda na DRC i Rubavu, mu rwego rwo gusuzuma uko gahunda igamije gukumira Ebola mu Rwanda ihagaze ndetse no kureba ko ingamba zafashwe ziri gukurikizwa uko bikwiye.

Minisitiri Gashumba aherutse gusaba abanyarwanda kwirinda gushyira ubuzima bwabo n’ubwa bagenzi babo mu kaga berekeza mu mujyi wa Goma hagaragaye icyorezo cya Ebola.

Minisitiri Gashumba yabwiye abanyamakuru ko nta mupaka wafunzwe ariko Abanyarwanda bakwiriye gushishoza bakareka kujya I Goma kandi baziko hari iki cyorezo kimaze guhitana abakongomani barenga 1800.

Mu minsi ishize mu mujyi wa Goma uhana imbibi n’akarere ka Rubavu,umupasiteri yahitanywe na Ebola,nyuma ayanduza umwana we n’umugore we gusa bo bahise bajyanwa I Butembo mu kato no kuvuzwa.

Muri uyu mujyi wa Goma hamaze gupfa abantu batatu bazize icyorezo cya Ebola mu gihe hari abandi benshi bashyizwe mu kato ngo bitabweho.u Rwanda ruryamiye amajanja kugira ngo hatagira umurwayi w’iki cyorezo ucyinjiza mu Rwanda.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyamasheke: Imodoka itwara abagenzi yarenze umuhanda benshi barakomereka...

Mu karere ka Nyamasheke habereye impanuka y’imodoka itwara abagenzi yo mu...
18 August 2019 Yasuwe: 3724 1

Rubingisa Pudence niwe watorewe kuyobora umujyi wa Kigali

Rubingisa Pudence ni we watorewe kuba umuyobozi mushya w’Umujyi wa Kigali mu...
17 August 2019 Yasuwe: 2670 0

Perezida w’ u Rwanda Paul Kagame yashyizeho abajyanama 5 b’ umujyi wa...

Kuri uyu wa Gatanu tariki 16 Kanama 2019 Perezida w’ u Rwanda Paul Kagame...
17 August 2019 Yasuwe: 1237 0

Rwanda Day ihuza Abanyarwanda baba hanze yahawe itariki nshya

Ambasade y’u Rwanda mu Budage, yatangaje ko umunsi uhuza Abanyarwanda uzwi...
17 August 2019 Yasuwe: 1937 0

Nyamasheke: Ikamyo yari itwaye lisansi yaturikiye hafi ya station shoferi...

Ikamyo yerekezaga I Rusizi itwaye Lisansi yahiriye I Nyamasheke hafi ya...
16 August 2019 Yasuwe: 3375 1

Minisitiri Busingye yaciwe ibihumbi 50 FRW by’amande na kamera yo ku muhanda...

Minisitiri w’ Ubutabera w’ u Rwanda, Johnston Busingye,yatangaje kuri Twitter...
15 August 2019 Yasuwe: 4312 1