skol
startimes

Abantu 52 bakize Covid-19 mu Rwanda abandi 21 barayandura

Amakuru   Yanditswe na: Dusingizimana Remy 27 November 2020 Yasuwe: 3568

Minisiteri y’Ubuzima yatangaje ko uyu munsi tariki ya 27 Ugushyingo 2020, abantu 21 basanganywe ubwandu bwa Coronavirus, mu gihe abandi 52 bayikize,mu bipimo 2,761 byafashwe mu masaha 24 yashize.


Abarwayi bashya basanzwe Kigali: 4, Rubavu: 7, Nyamagabe: 5, Gatsibo: 4, Musanze: 1

Umubare w’abamaze kwandura Coronavirus kuva umurwayi wa mbere agaragaye mu Rwanda ku wa 14 Werurwe 2020, bamaze kuba 5,872 mu bipimo 620,019 bimaze gufatwa.

Abamaze gukira bagasezererwa ni 5,397 mu gihe 428bakiri kwitabwaho n’abaganga.Abamaze gupfa ni 47.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ubushakashatsi bwakorewe mu bitaro ya Anvers mu Bubiligi ku bufatanye n’ikigo cy’ubushakashatsi cya Femicare, bwagaragaje ko Coronavirus ishobora kugira ingaruka ku ireme ry’intangangabo n’amasohoro.

Guhera muri Kamena uyu mwaka, itsinda ry’abashakashatsi ryasesenguye amakuru yavuye ku bushakashatsi ku ntangangabo z’abagabo barwaye Coronavirus.

Gilbert Donders, umwe mu bashakashatsi yavuze ko nubwo hari ibisubizo by’ibanze byabonetse, ubushakashatsi ngo buracyakomeje.

Ubushakashatsi bw’ibanze bwakorewe ku bagabo 26. Ibyavuyemo bigaragaza ko Coronavirus yagize ingaruka ku ngano y’amasohoro kuri abo bagabo kuko yagabanyutse, ndetse n’umuvuduko intangangabo zigenderaho ukagabanyuka.

Inzobere kandi zagaragaje ko zasanze ireme ry’izo ntangangabo ryaragabanyutse ugereranyije n’iz’abagabo batarwaye Coronavirus.

Donders yavuze ko ubushakashatsi bugikomeje kubera ko batabashije kugereranya uko intanga z’abo bagabo zari zimeze batararwara Coronavirus na nyuma bamaze kurwara.

Abakoreweho ubushakashatsi bwa mbere, nyuma y’amezi atanu bongeye gukorerwaho ubundi basanga hari icyiyongereye ku ireme ry’intanga zabo. Ibibazo byagaragaye mbere byari bitangiye kugabanyuka, nkuko urubuga 7 Sur 7 rwabitangaje.

Donders yavuze ko mu masohoro y’abo bagabo, nta ndwara ya Coronavirus basanzemo.

Yavuze kandi ko nta ngaruka zikomeye bigira ku kuba umugabo yatera inda, icyakora ngo bishobora gutwara igihe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inkingo miliyoni imwe za COVID-19 ziragera i Kigali mu minsi ya vuba...

Mu kiganiro Umuyobozi w’Ikigo cy’Igihugu cy’Ubuzima (RBC) yagiranye...
22 January 2021 Yasuwe: 4675 0

Hakuweho urujijo rw’ahabereye ubwicanyi bwakozwe na Kaneza Christa wishe...

Ku wa Gatatu w’iki Cyumweru, Polisi y’u Burundi yerekanye umugore ukiri muto...
22 January 2021 Yasuwe: 18601 0

Uruganda rwa Filime nyarwanda rwungutse indi yitwa Diru irimo amayeri...

Film zirimo imitecyerereze yo kurwego rwo hejuru zibamo amayeri n’amacenga...
21 January 2021 Yasuwe: 4113 0

Kigali:Ibanga ryafasha ingeri zose kuvuga icyongereza neza mu minsi...

Théoneste Uwayezu uyobora kompanyi yitwa ICT For All in All ikorera i Remera...
18 January 2021 Yasuwe: 4773 3

Kayonza: Umugabo yishe umwana w’umugore we w’imyaka ibiri amuteye...

Mu Ijoro ryakeye mu Mudugudu w’Irebero mu Kagari ka Nyagatovu mu Murenge wa...
18 January 2021 Yasuwe: 5297 0

Umurambo wa Mirimo Gaspard Wataburuwe; Yaramaze imyaka 4 yitabye Imana-...

Mirimo Gaspard ni umunyemari ukomeye witabye Imana muri Gicurasi 2016 aho...
16 January 2021 Yasuwe: 9465 0