Abanyeshuli bize ubuvuzi muri UR basabye ubufasha MINISANTE nyuma yo gukurwa ku rutonde rw’abagomba gukora ibirori bisoza kaminuza

Amakuru   Yanditswe na: Dusingizimana Remy 1 November 2019 Yasuwe: 3611

Umwe mu banyeshuli bamaze imyaka 6 biga muri kaminuza y’u Rwanda mu ishami ry’ubuvuzi yandikiye minisitiri w’Ubuzima,Dr Diane Gashumba amusaba ubufasha nyuma yo gukurwa ku rutonde rw’abagomba gukora ibirori byo gusoza kaminuza [graduation] kandi bari bamaze igihe babyitegura.



Uyu munyeshuli witwa Christophe Wallace na bagenzi be babinyujije kuri Twitter bandikiye Minisitiri Gashumba bamusaba ko yabafasha nabo bagatambuka gitore bambaye amakanzu.

Wallace yagize ati “ Kuri Dr DianeGashumba.Twebwe abanyeshuli barangije medicine muri kaminuza y’u Rwanda ishami ry’ubuvuzi [UR-CMHS],tubabajwe bikomeye n’uko twakuwe ku rutonde rw’abazakora graduation kuri uyu wa gatanu 8/11/2019, mu gihe turangije imyaka 6 twitegura kuvura abanyarwanda kandi twarize program yose nk’iy’abatubanjirije.”

Aba banyeshuli batemerewe gukora Graduation ngo bafite agahinda kenshi ariyo mpamvu minisitiri w’Ubuzima Dr Diane Gashumba yababwiye ko agiye kubafasha.

Yagize ati “Urakoze kutwandikira. Dufitanye inama n’abayobozi banyu ku wa mbere kugira ngo tuganire icyo kibazo. Namwe tuzahura tuganire ku myanzuro izaba yafashwe.”

Benshi mu batanze ibitekerezo kuri iki gisubizo cya minisitiri Gashumba basabye ko aba banyeshuli barenganurwa nabo bagahabwa amahirwe yo gukora ibirori byo gusoza kaminuza.

Kugeza ubu ntacyo MINEDUC na HEC baratangaza kuri iki kibazo ariko hari amakuru avuga ko iki kigo cya HEC aricyo cyafashe uyu mwanzuro kuko ngo hari amasomo aba banyeshuli batize neza.

Umuryango wamenye ko abanyeshuli bangiye gukora ibirori bya Graduation baragera kuri 300 bose bize ubuvuzi imyaka 6.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Oya niba hari amasomo batize neza nibayasubiremo bayige kabisa, ntakuza gukinira kubuzima bw’ abantu mudupima indwara mukayoberwa izarizo.

    3 months ago
  • chat_bubble zuma

    Niba hari amasomo bize nabi cg batize byo bagomba kuyasubiramo ntamikino kubuzima bw’abantu, wenda ahandi wakoroshya ariko ibijyanye nokuvura abantu bisaba kwitonda, ntagutwarwa n’amarangamutima.

    3 months ago
  • chat_bubble jano

    Murakoze kubwiyo nkuru, gusa abanyeshuri 300 ntabwo ari promotion imwe. harangije promotions 2 zitandukanye ,hari iyize 5years program hakaba niyize 6years program arinayo isanzwe muri UR. abo banyeshuri nibarenganurwe Kabisa.

    3 months ago
  • chat_bubble Evode Mbabazi

    Ariko nk’aya makuru uba wayakuye he? Ninde wakubwiye ko Abanyeshuri Bose bize ubuvugi imyaka 6? Ngira ngo iyo uza kwandika ibyo wacukumbuye neza wari kumenya ko Hari nabize imyaka 5

    3 months ago

Inzindi nkuru

Abakozi bagiye kujya bakatwa 0.5% by’umushahara wabo

Minisiteri y’abakozi ba leta n’umurimo, yatangaje ko abakozi ba leta...
27 February 2020 Yasuwe: 1971 3

Imvura y’Itumba iteganyijwe mu Rwanda izaba iri hejuru y’isanzwe igwa mu...

Ikigo k’Igihugu gishinzwe Ubumenyi bw’Ikirere (Meteo Rwanda) kinejejwe no...
27 February 2020 Yasuwe: 1935 1

Zimwe mu mpuzi zazanywe mu Rwanda zivuye muri Libya zatangiye kujyanwa mu...

Impunzi 33 zari zarazanwe mu Rwanda zivuye muri Libya, zikaba zari zimaze...
26 February 2020 Yasuwe: 1707 3

Abantu bagura ibibanza bikamara imyaka irenga 3 batarabyubakamo akabo...

Minisiteri y’Ibidukikije yatangaje ko igiye gufata mu buryo bukomeye ikibazo...
26 February 2020 Yasuwe: 2653 2

Musanze:Uwatwikiwe abana 2 yavuze uburyo abaturanyi be bigeze kumwita...

Ku mugoroba wo kuwa Gatandatu tariki ya 22 Gashyantare 2020, umuryango...
26 February 2020 Yasuwe: 2497 0

Minisitiri w’Imari n’Igenamigambi Dr. Ndagijimana Uzziel yagaragaje uburyo...

Minisitiri w’Imari n’Igenamigambi Dr. Ndagijimana Uzziel,yagaragejo ko...
25 February 2020 Yasuwe: 492 2