Abarundi babana batarasezeranye basigaranye iminsi 60 gusa

Amakuru   Yanditswe na: Nsanzimana Ernest 11 November 2017 Yasuwe: 287

Ugendeye ku itegeko Perezida Pierre Nkurunziza yasinye mu kwezi kwa gatanu uyu mwaka rigamije “gutunganya umuryango mu Burundi” ababana batarashyingiranywe ubu basigaranye uku kwezi n’ugutaha gusa batabikora bagacibwa amande cyangwa bagafungwa.

Mu gushyira mu bikorwa itegeko rya Perezida wa Republika abayobozi mu nzego z’ibanze i Burundi bari gusezeranya imiryango myinshi mu kivunge kuko itariki ntarengwa ari impera z’uyu mwaka ku babana batarasezeranye mu Burundi. Imiryango y’uburenganzira bwa muntu ibona ibi nko guhohotera uburenganzira bwa muntu.

Mu Ntara ya Rutana mu majyepfo ababana batarashyingiranywe bategetswe kwibaruza ku rutonde rwihariye nk’uko bitangazwa na AFP.

Mu majyaruguru mu Ntara ya Bubanza bavuze ko hari ibihano byihariye (bitatangajwe) ku bazarenga kuri iri tegeko rya Perezida. Kandi ngo umwana uzavuka ku batarashyingiranwe byemewe ntabwo azajya yigira ubuntu nk’abandi.
Leta y’u Burundi ishimangira ko kubana byemewe n’amategeko birengera abagore n’abana babo cyane cyane ngo iyo bijemo izungura.

Terence Ntahiraja umuvugizi wa Minisiteri y’intwaro (ubutegetsi) y’imbere mu gihugu yabwiye AFP ko u Burundi bwugarijwe n’ikibazo cy’abaturage benshi giterwa n’ababana batarasezeranye, ubuharike, n’abana b’abakobwa benshi baterwa inda.
Ati “turashaka ko Abarundi bumva ko buri wese ari we ushinzwe ubuzima bwe, turashaka umurongo mu gihugu.”

Ibi kandi ngo bigendanye n’umurongo wo gusubira ku mahame ya cyera y’umuco w’Abarundi watanzwe na Perezida Nkurunziza mu 2013.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umubyeyi wamamaye nka Sesiliya kubera ikinamico Urunana yitabye...

Joy Penina umugore wubatse amateka akomeye ku bw’ubuhanga bwihariye mu...
16 August 2018 Yasuwe: 3379 0

’Abarimu ntabwo bahembwa, biriya ntabwo ari uguhembwa’ PS Imberakuri

Umuyobozi w’ ishyaka PS Imberakuri ritavuga rumwe n’ ubutegetsi bw’ u Rwanda...
15 August 2018 Yasuwe: 3378 6

Imiti irenga toni imwe yari mububiko bw’abacuruzi yatwitswe

Ikigo cy’Igihugu gishinzwe kubungabunga ibidukikije (REMA), gifatanyije na...
15 August 2018 Yasuwe: 364 0

Kicukiro: Umusore yafashwe agiye kubitsa amafaranga y’ amiganano

Umusore witwa Habarurema Shukuru w’imyaka 30, ukomoka mu karere ka Kicukiro,...
15 August 2018 Yasuwe: 1377 0

Sobanukirwa ibyiciro n’ibirango by’amapeti y’Igisirikare cy’u Rwanda nuko...

Abakunzi b’ikinyamakuru Umuryango.rw, bagiye badusaba ko twazabasobanurira...
14 August 2018 Yasuwe: 6076 3

Ngororero: Abana bavuka ku babyeyi batasezeranye bavutswa uburenganzira...

Bamwe mu bana bo mu murenge wa Kabaya, mu karere ka Ngororero bavutswa...
14 August 2018 Yasuwe: 361 0