Abaturarwanda bose banywera itabi mu ruhame bahagurukiwe

Amakuru   Yanditswe na: Martin Munezero 27 May 2019 Yasuwe: 867

Abaturarwanda bose bibukijwe ko kunywera itabi mu ruhame bibujijwe kandi ko bihanwa n’itegeko, mu gihe bikomeje kugaragara ko hari abatabyitaho bakarinywera mu mahoteri, resitora no mu tubari ahakoraniye abantu benshi.

Itegeko ryo muri Werurwe 2013 ryerekeye kugenzura imikoreshereze y’itabi ribuza abarinywera mu ruhame, ahakorerwa akazi cyangwa ahahurira abantu benshi, rikanagena ko ucunga cyangwa nyir’inyubako zihurirwamo n’abantu benshi ashobora kugena agace gahariwe abanywa itabi n’ibirikomokaho.

Iyo agennye ako gace, agomba gushyira ahagaragara itangazo muri izo nyubako, mu rurimi rw’Ikinyarwanda, Icyongereza n’Igifaransa avuga ko kunywa itabi n’ibirikomokaho byemewe imbere gusa mu gace gahariwe abanywa itabi n’ibirikomokaho kandi ko ahandi hose mu nyubako habujijwe.

Minisiteri y’Ubuzima yasohoye itangazo ryashyizweho umukono na Minisitiri w’Ubuzima, Dr Diane Gashumba tariki ya 23 Gicurasi 2019, risaba Polisi na RURA gufasha mu mu iyubahirizwa ry’iri tegeko no guhana abarirengaho.

Itegeko ribuza abantu kunywera itabi mu ruhame, mu rukiko n’aharukikije, mu ruganda, mu byumba rusange biberamo imyidagaduro, mu mavuriro, mu ma resitora, mu mahoteri no mu bigo byakira abana mu kubarera no mu kubigisha, mu ndege, mu bwato butwara abagenzi n’ubundi buryo bwo gutwara abantu n’ibintu.

Itangazo rikomeza riti “Kubera ko bimaze kugaragara ko amenshi mu mahoteri, mu tubari no mu resitora badakurikiza iri tegeko, Minisiteri y’ubuzima irabibutsa kubahiriza ingingo zikubiye muri iri tegeko […] Minisante ikaba isaba Polisi n’Ikigo cy’Igihugu gishinzwe kugenzura imirimo ifitiye igihugu akamaro (RURA), gufasha mu iyubahirizwa ry’iri tegeko no guhana abarirengaho.”

Abafite utubari, amaresitora n’amahoteri basabwa gushyiraho utwapa twa cm 50 kuri cm 50 tubuza abanywa itabi kurinywera mu nyubako zihuriramo abantu benshi.

Itegeko rivuga ko n’ibikorwa bigamije kwamamaza itabi n’ibirikomokaho bibujijwe, uretse hagati y’abarihinga, abarikora, abaritumiza, abaryohereza mu mahanga n’abarigurisha.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida w’ u Rwanda Paul Kagame yashyizeho abajyanama 5 b’ umujyi wa...

Kuri uyu wa Gatanu tariki 16 Kanama 2019 Perezida w’ u Rwanda Paul Kagame...
17 August 2019 Yasuwe: 743 0

Rwanda Day ihuza Abanyarwanda baba hanze yahawe itariki nshya

Ambasade y’u Rwanda mu Budage, yatangaje ko umunsi uhuza Abanyarwanda uzwi...
17 August 2019 Yasuwe: 1028 0

Nyamasheke: Ikamyo yari itwaye lisansi yaturikiye hafi ya station shoferi...

Ikamyo yerekezaga I Rusizi itwaye Lisansi yahiriye I Nyamasheke hafi ya...
16 August 2019 Yasuwe: 3061 1

Minisitiri Busingye yaciwe ibihumbi 50 FRW by’amande na kamera yo ku muhanda...

Minisitiri w’ Ubutabera w’ u Rwanda, Johnston Busingye,yatangaje kuri Twitter...
15 August 2019 Yasuwe: 4195 1

Perezida Kagame yanenze urubyiruko rwahururiye kuri KCC nyuma yo kubeshywa...

Nyakubahwa perezida Kagame yavuze ko ari ikibazo gikomeye kuba igihugu nk’u...
14 August 2019 Yasuwe: 1670 1

Nta muntu uri hariya hanze utekereza ku kibazo cyawe ngo akigukemurire-Perezida

Nyakubahwa Perezida wa Repubulika,Paul Kagame yasabye urubyiruko rurenga...
14 August 2019 Yasuwe: 881 0