startimes
startimes

Abayisilamu bo mu Rwanda batanze akayabo ka miliyoni 600 FRW mu guha inyama z’ubuntu abatishoboye ku munsi w’ibitambo

Amakuru   Yanditswe na: Dusingizimana Remy 13 August 2019 Yasuwe: 1520

Abayisilamu bo hirya no hino mu Rwanda bakoze igikorwa cy’urukundo cyo guha inyama abatishoboye barimo bagenzi babo n’abatari abayisilamu,umuryango w’abayisiramu uvuga ko cyatwaye akayabo ka miliyoni 600.


Sponsored Ad


Kugeza kuri uyu wa mbere,hirya no hino mu Rwanda abantu bari bagihabwa inyama ku buntu zo kwizihiza umunsi w’igitambo.

Ni amafaranga menshi ariko ni igikorwa cy’agaciro karenze ayo mafaranga nk’uko bivugwa n’umujyanama wa Mufti w’u Rwanda.

Nkuko ikinyamakuru BBC cyabitangaje mu karere ka Rwamagana ahitwa I Mabare abaturage b’abakene barimo abayisilamu n’abatari abayisilamu bagiye gufata inyama ku buntu ku munsi w’ejo.

Abayisilamu babaze inka nyinshi, buri muturage bamuha umugabane nk’ikimenyetso kiranga uyu munsi mukuru w’igitambo wabaye ku Cyumweru gishize.

Ubuyobozi bwa Islamu mu Rwanda buvuga ko bwateguye iki gikorwa kuko abenshi mu bayoboke bayo badashobora kwigondera ’akaboga’ kandi kubaga ari umuhango w’uyu munsi.

Umwe ati:"Naje njye gufata akaboga nk’umuyisilamu, gusa hari na bagenzi bacu batari bo baje kugafata kuko ari umunsi mukuru, njyewe nagaherukaga ku yindi rayidi kuko si benshi babasha kukagura".

Umugore utari umusiyisilamu yavuze ko yishimiye guhabwa kuri iri funguro ry’imbonekarimwe ataherukaga.

Yagize ati:"Inyama se zirahingwa? Inyama se ni ibiryo? Hari n’abatazirya rwose kuko ntazo babona. Ibiryo ko ari ibishyimbo".

Cheikh Suleiman Mbarushimana, umujyanama wa Mufti w’u Rwanda avuga ko gushora miliyoni 600 mu kubagira abadashobora kwigurira imbonekarimwe ari igikorwa bagomba gushyiramo imbaraga.

Yagize ati: "Ku rwego rwa Isilamu, ku myemerere yabo bafata ko gutanga iri turo bakarisangira n’abantu bose ari igikorwa gifite agaciro gakomeye kirengeje ako batanzeho rya tungo.Ni umuco mwiza wo kubana n’abantu no gusangira nabo Imana ikabaha umugisha mu bindi basigaranye".

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Polisi y’u Rwanda yashyize hanze amabwiriza agenga abakora ingendo z’indege...

Umuvugizi wa Polisi y’Igihugu,CP John Bosco Kabera Yavuze ko ku bagenzi...
2 August 2020 Yasuwe: 11437 0

RIB yerekanye abakobwa 4 bakwirakwije ku mbuga nkoranyambaga amashusho yabo...

Kuri uyu wa Gatanu tariki ya 31 Nyakanga 2020 nibwo Urwego rw’igihugu...
31 July 2020 Yasuwe: 12034 0

Umunyarwanda warangije amasomo y’ikoranabuhanga n’itumanaho muri kaminuza...

Umunyarwanda warangije amasomo y’ikoranabuhanga n’itumanaho muri kaminuza,...
31 July 2020 Yasuwe: 9331 4

Rusizi:Umugabo ufite urugo bamufatiye mu rugo rw’abaturanyi asambanya...

Umuyobozi w’Umudugudu wa Rurenga 1 mu karere ka Rusizi, Nzeyimana Jean...
19 July 2020 Yasuwe: 15690 3

Reba ibyo umuhanga w’umunyarwanda muri Science avuga kuri MUKOROGO birimo no...

Mu Rwanda no mu bihugu bitandukanye by’abirabura hakomeje kuvugwa amavuta...
18 July 2020 Yasuwe: 3525 0

Insengero zakomorewe nyuma y’igihe kinini zifunze kubera COVID-19

Inama y’Abaminisitiri yateranye kuri uyu wa 15 Nyakanga 2020,iyobowe na...
16 July 2020 Yasuwe: 3110 4