Abayoboke b’ishyaka rya FDU Inkingi basabye urukiko kubarekura nkuko babikoreye Diane Rwigara

Amakuru   Yanditswe na: Dusingizimana Remy 13 February 2019 Yasuwe: 1232

Abayoboke b’ishyaka ryitwa FDU Inkingi rya Ingabire Victoire bafunzwe, basabye urukiko rukuru rwo mu mujyi wa Nyanza mu majyepfo y’u Rwanda kubarekura nkuko Diane Rwigara yabisabye perezida Kagame akabyemererwa.

Aba bayoboke ba FDU Inkingi bafunzwe bazira ko bakwirakwizaga amatwara y’iri shyaka kandi nta burenganzira bwo gukorera mu Rwanda bari bafite.

Aba bayoboke bari bitabye urukiko babura ku ifungwa n’ ifungurwa ry’ agateganyo ryitabiriwe n’ abaregwa 10 kuri 11, basabye ko barekurwa nkuko byakorewe Diane Rwigara ubwo yabisabaga.

Umunyamategeko Gatera Gashabana, wunganira abaregwa muri uru rubanza, yasobanuye impamvu y’ubu busabe.

Yavuze ko ibyashingirwagaho mbere byo gukomeza kubafunga ngo kuko bakibakoraho iperereza, cyangwa se ko bashobora gutambamira ibimenyetso mu gihe bafungurwa, ndetse no kuba batoroka abona ibyo byose bitagifite agaciro.

Me Gashabana kandi yasabye ko kubarekura by’agateganyo byashingira ku cyemezo cyafashwe muri zimwe mu manza ziherutse gucibwa n’urukiko rukuru.

Yavuzemo urubanza rwa Diane Rwigara na mama we Adeline Mukangemanyi, basabye kurekurwa by’agateganyo bakabyemererwa bari bafite ibyaha bifitanye isano n’iby’aba ba FDU.

Abaregwa nabo bagarutse cyane ku mpamvu bumva bahabwa ayo mahirwe yo kurekurwa by’agateganyo.

Gusa bagaruka cyane kuri mugenzi wabo Boniface Twagirimana bemeza ko atatorotse nk’uko byavuzwe mu rubanza.

Abashinjacyaha bateye utwatsi ubusabe bw’abaregwa buvuga ko bakurikiranyweho ibyaha by’ubugome kandi ko impungenge zo gutoroka zikiri zose ngo kuko bamwe muri bo byemejwe ko batorotse.

Ku by’imanza zashingirwaho, ubushinjacyaha buvuga ko nta gaciro bifite.

Umucamanza yavuze ko agiye gusuzuma ibivugwa na buri ruhande umwanzuro ukazatangwa ku wa gatanu w’icyumweru gitaha.

Aba bayoboke b’ishyaka FDU ritaremerwa mu Rwanda bafashwe mu myaka 2 ishize mu bihe bitandukanye bakurikiranyweho kurema umutwe w’ingabo no kugirira nabi ubutegetsi bw’u Rwanda.

Source:Ukwezi.com

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble gatera

    FDU nimenye ko Politike ari mbi cyane.Ituma ugira ibibazo.Niyo ufashe ubutegetsi,ugira abanzi.Bigatuma nawe wihimura ukabafunga cyangwa ukabica.Nyamara Imana isaba abakristu nyakuri "gukundana".Muli Yohana 17:16,Yesu yadusabye kutivanga mu byisi.Ahubwo adusaba kumwigana,natwe tugakora umurimo yakoraga wo kubwiriza ubwami bw’Imana.Bisome muli Yohana 14:12.Yesu n’abigishwa be,bajyaga mu mihanda,mu ngo z’abantu,mu masoko,etc...bakabwiriza abantu ngo bahinduke,be kwibera mu byisi gusa.Uwo murimo dukora natwe,ujyana abantu ku buzima bw’iteka muli Paradizo.Ariko Politike ijyana abantu kurimbuka,kubera ko hakorerwamo ibintu byinshi Imana itubuza.

    6 days ago

Inzindi nkuru

Nyarugenge: Abantu bubatse mu bishanga batangiye gusenyerwa

Ubuyobozi bw’akarere ka Nyarugenge bwabyukiye mu gikorwa cyo gusenyera...
18 February 2019 Yasuwe: 3027 1

Mukankusi umaze kubyarira abana batatu muri ruhurura yatangaje ubuzima...

Umubyeyi w’abana 3 witwa Mukankusi Nadine yatangaje ko aba bana bose yabyaye...
18 February 2019 Yasuwe: 3965 4

Perezida Kagame yahishuye ko intandaro y’ibibazo biri hagati y’umubano w’u...

Perezida wa Repubulika y’u Rwanda Paul Kagame yagaragaje ko ibibazo biri mu...
18 February 2019 Yasuwe: 4509 2

Imodoka ya Trinity yaritwaye abagenzi iva Kampala yerekeza i kigali yakoze...

Nk’uko byemezwa na SSP Ndushabandi Jean Marie Vianney, Umuvugizi w’Ishami rya...
17 February 2019 Yasuwe: 5690 0

Mutegaraba wabuze umuryango we wose muri Jenoside yahaye impanuro ikomeye...

Mutegaraba Venantia wagizwe inshike na Jenoside yakorewe abatutsi muri 1994...
17 February 2019 Yasuwe: 1793 0

Huye :Abagizwe incike na Jenoside batujwe mu rugo rw’impinganzima bishimiye...

Abanyarwanda bagizwe incike na jenoside batujwe mu rugo rw’Impinganzima mu...
16 February 2019 Yasuwe: 2162 0